Read Khoekhoegowab Esters 6 Bible Online

Esters 6 - Khoekhoegowab bible

Esters 6

¹ǁNā tsuxub ǁkhāb ǃnâb ge gao-aoba ǁom ǁoa ge i, ob ge ge mî, ǂkhanis ǂâiǂâisendi dis ǁaeb ǃnaeǃkhaidi dis nî ūhāhe ǃkhaisa, o di ge gao-aob aiǃâ ge khomaihe.

²On ge xoahe hâ ǃkhai-e ge hō, matib Mordekaiba Bigtanni tsî Tereb tsîkha, ǁnā ǀgam omǃoabasabekha gao-aob dikha, ǁāb ǃûi-aogu dikha, ǃomma gao-aob Ahasverob ai nî ǁguisa ge ôa-amkha xa ge ǂanǂan ǃkhaisa.

³ǃNubaib ge gao-aoba ge mî: Mâ ǃgôasib tsî ǀgapiǀgapisab Mordekaiba ǁî ǃkhais ǂama ge dī-ūhe? O gu ge ǂkhamkhoegu gao-aob digu, ǁîba ra ǃoabaga: Xū-eb ge dī-ūhe tama hâ, ti ge mî.

⁴Ob ge gao-aoba ge mî: Tari-e hâ ai-ommi ǃnâ? Tsî Hamanni ge ǃauga hâ, ai-ommi gao-aob dib ǃnâ ge hā hâ i, gao-aobab nî: Ab Mordekaiba ǁnā ǂgāhaib ǁîbab ge ǁāǁābab ai ǂgāmâihe, ti mîbase.

⁵O gu ge gao-aob di ǂkhamkhoega ǁîb ǃoa ge mî: Mû, Hamanni ge ai-ommi ǃnâ mâ. Ob ge gao-aoba: Ab ǂgâxa, ti ge mî.

⁶Tsî Hamanni ge ǂgâxao, ob ge gao-aoba ǁîb ǃoa ge mî: Tare-eb ǁnā khoeba nî dī-ūhe, ǃgôaheb nî ǃkhaisab gao-aoba ǂgao hâba? ǃNubaib ge Hamanna ǂgaob âb ǃnâ ge mî: Taribab kha gao-aoba ǃgôasiba mā ǂgao hâ tita ǃgâ-ai?

⁷ǁNā-amagab ge Hamanna gao-aob ǃoa ge mî: ǁNā khoeb, gao-aob ǃgôaheb nî ǃkhaisa ǂgao hâba,

⁸ab ǁîba gao-aosi saraba ūhābahe, gao-aob ra anaba, tsî ǁnā hāb, gao-aob ra ǃgapi-aiba, îs gao-aosi kronsa danas âb ai ǂnûihe.

⁹Îb ǁnā sarab tsî ǁnā hāba gaosagu gao-aob digu hoagu xa kai ǃkhūkhoegu di ǀguib ǃomǁae māhe, în ǁnā aoba ǁîna ana, gao-aob ra ǃgôaheb nî ǃkhaisa ǂgaobaba, în ǁîba ǁnā hāb ai ǃās di daoga ǃgapiǃnâǃganu kai, în ǁîb aiǃâ ǂgai: Nētib ge ǁnā aoba nî dī-ūhe, gao-aob ǃgôa ǂgao hâba!

¹⁰ǃNubaib ge gao-aoba Hamanni ǁga ge mî: ǃHae, îts satsa ǁnā sarab tsî hāba ū, sats go mîse, îts ǁnāti dī-ū Mordekaib, Jodeǁîb, gao-aob di ǁāb tawa ǂnôaba, î ǁnāts goro mîn hoan xa ǀgui mîro-i xare-e tā ǁnākhao.

¹¹Ob ge Hamanna ǁnā sarab tsî ǁnā hāb tsîkha ge ū, tsîb ge saraba Mordekaiba ge ana tsî ǁîba ǃās di daogu ǃnâ ge ǃgapi kai, tsîb ge ǁîb aiǃâ: Nētib ge ǁnā aoba nî dī-ūhe, gao-aob ǃgôa ǂgao hâba! ti ge ǂgai.

¹²ǁNās khaoǃgâb ge Mordekaiba ǁkhawa ǁāb gao-aob dib ǃoa ge oa, xawe Hamanni ge oms âb ǃoa ge ǃhaeǃhaesen, ǃoa tsî ǃgūndana hâse,

¹³tsî Hamanni ge ǁîb di taras tsî ǁîb di ǀhōsan tsîn hoana hāǂam bi gon hoana ge ǃhoaba. ǃNubain ge ǁîb di gā-ai khoegu tsî ǁîb taras Seres tsîna ǁîba ge mîǀî: ǁNā Mordekaib, ǁîb di ais aiǃâts go ǁnātsoatsoab ga Jodeǁîn surib dio, ots ge satsa ǁîb ǃoagu xū-e dī ǁkhā tide, tsîts ge ǂanǂansase ais âb aiǃâ nîra ǁnā!

¹⁴Tsî ganupen ra ǁîb ǀkha ǃhoa hîa gu ge gao-aob di omǃoabasabega hā tsî ge ǃhaeǃhaesen, Hamanna gu nî ǁnā ǂûǁaes, Esters go ǁāǁās ǃoa ūsīga.