Read Khoekhoegowab Esters 7 Bible Online

Esters 7 - Khoekhoegowab bible

Esters 7

¹Tsî gao-aob ge Hamanni ǀkha hā, gao-aos Esters ǀkhab nî ǂûga

²ǃnubaib ge gao-aoba ǁkhāti ǀgamǁî tsēs ai ǂûǁaes ǂauxûib dis tawa Esters ǃoa ge mî: Taresa sa ǂgansa, gao-aos Esterse? Māhes ge nî, tsî taresa sa ǀkhomabasensa? Ībahes ge nî, gaosis di ǃkhareb kōse i ga ī xawe.

³Os ge gao-aos Estersa ǃeream tsî ge mî: ǀKhomma ta ga sa mûǁae hō hâo, gao-aotse, tsî gao-aots ga ǃgâibaheo, a ta ti ûiba māhe re ti ǂgans ǃaroma, tsî ti ǁaesa ti ǀkhomabasens ǃaroma.

⁴Sida ge ǁamaxūhe hâda xuige, tita tsî ti ǁaes tsîda hîkākāhe tsî ǃgamhe hâ ǁō da nîse. ǃGāgu tsî ǃgādi tsîn ase da ga ǁamaxūhe hâo, o ta ge ga ǃnō hâ, ǁgâiǀā-aob gao-aob di ǂkhôasa tātsē dīǂâuǂâuba ǁoa xawe.

⁵ǃNubaib ge gao-aob Ahasveroba gao-aos Estersa ǃoa ge mî: Tariba a ǁî? Tsî mapab hâ ǁnāb ǁnāti ī xū-e dīs xa ǀoaǂgaoǃnâhe hâba?

⁶Os ge Estersa ge mî: ǁNā aob, ǁgâiǀā-aob tsî khākhoeb ge nē ǂkhaba Hamanna. ǃNubaib ge Hamanna gao-aob tsî gao-aos tsîra di ais aiǃâ ge ǃhuri.

⁷Ob ge gao-aoba ǁaixasib âb ǃnâ ǂûǁaes ǂauxûib disa xu khâi tsî î-ommi di ǃhanab ǃoa ge ǃgû, xawe Hamanni ge ge mâ, gao-aos Estersab nî ûib âb ǃaroma ǀkhomase, ǂkhabab ǁîb ǂama gao-aob xa ǂâibasenǃarihe hâ ǃkhaisab ge mû xui-ao.

⁸Tsî gao-aob ge ǁîb î-ommi di ǃhanaba xu ǂûǁaes ǂauxûib dis di ommi ǃoa oaǃhobao, ob ge Hamanna ǁnā kharob, Esters ǁîb ai hâb ai ge ǁnā hâ i. Ob ge gao-aoba ge mî: Gao-aosab kha ti tawa ommi ǃnâ ǀgaiǁgūǀkhā ǂgao hâ? Tsî mîs ge gao-aob di amsa xu ǂoa ǃnubain ge Hamanni di aisa ge ǃgū-ai.

⁹Tsî Harbonab, omǃoabasabegu di ǀguib, gao-aob di ais aiǃâ mâb ge ge mî: Îts ǁkhāti kō ǁnā ǂgāhaib, Hamanni ge Mordekaib, ǃgâise ge gao-aots xa ǃhoaba a dībab ge Hamanni di oms tawa mâ, korodisi ǂhâgu kōse ǀgapiba. Ob ge gao-aoba: ǁÎb ai ǂgāmâi bi, ti ge mî.

¹⁰Nēti gu ge Hamanna ǁnā ǂgāhaib, Mordekaibab ge ǂhomi kaibab ai ge ǂgāmâi. Ob ge gao-aob di ǁaixasiba ge ǂkhî.