Read Khoekhoegowab Eksodus 24 Bible Online

Eksodus 24 - Khoekhoegowab bible

Eksodus 24

¹ǁNās khaoǃgâb ge ǁîba Moseb ǃoa ge mî: ǃApa satsa ǃKhūb ǃoa, sats tsî Aronni, Nadab, Abihub tsî hûdisi kai aogu Israeli digu tsîgo; î go ǃnūseba xu ǀgoreǀî.

²Îb Moseb ǀguiba ǃKhūba ǀgū, î gu nauga tā ǀgū; îs ǁaesa tā ǃapa ǁîb ǀkha.

³Ob ge Moseba hā tsî ǁaesa ǃKhūb di mîdi hoade ge mîba, tsî ǂhanugu hoaga; ǃnubais ge ǁaes hoasa ǀgui dommi ǀkha ǃeream tsî ge mî: Nē mîdi ǃKhūb goro ǃhoadi hoade da nî dī.

⁴Ob ge Moseba ǃKhūb di mîdi hoade gere xoa, tsîb ge ǃnauǁgoaga khâi tsî altarsa ge ǂnubi ǃhommi ǂai-am tsî disiǀgamǀa ǂkhâǃnâga Israeli di disiǀgamǀa ǃhaodi ǃoa.

⁵Tsîb ge ǂkham khoegu Israeli ôan diga ge sî, khauǁguibade gere ǁguibaga tsî ganganǁguibade, ǃKhūba gere ǁguibaga, ǂkham gomagu xa.

⁶Ob ge Moseba ǀgui ǃkhareb ǀaob diba ū tsî ǁîba ǃoregu ǃnâ ge ǂgā; tsî nau ǃkhareb ǀaob dibab ge altars ai ge ǀgapi.

⁷Ob ge ǂkhanis ǃgaeǀhaos disa ū tsî ǁîsa ǁaes ǂgaeǃnâ gere khomai; on ge ge mî: ǃKhūb goro ǃhoan, ǁîn hoana da nî dī tsî ǁnâuǀnam.

⁸ǃNubaib ge Moseba ǁnā ǀaoba ū tsî ǁaesa ge ǀgapi-ai; tsîb ge ge mî: Mû nēb ge ǀaob ǁnā ǃgaeǀhaos, ǃKhūb go sadu ǀkha dīs diba, nē mîdi hoadi ǂama.

⁹O kha ge Moseb tsî Aronni tsîkha ge ǃapa, tsî ǁkhāti Nadab tsî Abihub tsîkha tsî Israeli kaigu di hûdisigu tsîga,

¹⁰o gu ge Elob Israeli diba ge mû, tsî i ge ǁîb di ǂaira ǃnaga safirǀuidi ǀkha dīhe hâ sîsenni khami ge ī i, tsî īsib ǀhommi dib khami, ǃgātsisib âb ǃnâ.

¹¹Tsîb ge ǁîba ǃommi âba ǀgapiǃgôasagu Israeli digu ǂama ǀhōǂui tama ge i; o gu ge ǂû tsî ge ā Eloba gu ge mûs khaoǃgâ.

¹²ǃNubaib ge ǃKhūba Moseb ǃoa ge mî: ǃApahā tita ǁga ǃhommi ai îts nēpa hâ; o ta ge tita ǀuixoa-aixūra nî mā tsi, tsî ǂhanub tsî mîmādi, tita goro xoade, ǁîdets nî ǁkhāǁkhāga.

¹³ǃNubaib ge Moseba ge khâi Josuab, ǁîb di ǃgāb ǀkha; tsîb ge Moseba ǃhommi Elob dib ai ge ǃapa.

¹⁴Ob ge kaigu ǃoa ge mî: Sago nēpa ǃâuǃgâ khom re, ǁkhawa khom nî sago tawa hās kōse; tsî kō Aronni tsi Huri tsîkha ge sago ǀkha hâ; khoe-i ga dīǃkhaide ūhâo, a-i ǁîkha tawa ūhā.

¹⁵Tsî Moseb ge ǃhommi ai ǃapao, o i ge ǀnanu-e ǃhomma ge ǃgū-ai.

¹⁶Tsî ǂkhaisib ǃKhūb dib ge Sinaiǃhommi ai ge ǁan, tsî ǀnanus ge ǃnani tsēdi kōse ge ǃgū-ai bi, tsî hûǁî tsēs aib ge ǁîba Moseba ǀnanus ǁaeguba xu ge ǂgai.

¹⁷Tsî īsib ǃKhūb ǂkhaisib dib ge hapu ra ǀae-i axase ge ī i, ǃhommi di ǂaob ai, Israeli ôan mûǁae.

¹⁸Tsî Moseb ge ǀnanus di ǁaegub ǃnâ ge ǂgâ, ǃhommi aib ge ǃapao, tsî Moseb ge ǁnā ǃhommi ai hakadisi tsēdi tsî hakadisi tsuxugu tsîna ge hâ i.