Read Khoekhoegowab Job 26 Bible Online

Job 26 - Khoekhoegowab bible

Job 26

¹Xaweb ge Joba ǃeream tsî ge mî:

²Matits ge satsa ǁnāb hîa ǀgaioba hui, tsî sâu ǁnā ǁôab ǁkhāob diba?

³Matits ge ǀapemā ǁnāb hîa gā-ai tamaba tsî ǃkhaisa īs a khami ǀoa hâse ge ǂanǂan?

⁴Tari-ets ǁnā mîde ge ǃhoaba? Tsî tarib di gagasa satsa xu ge ǂoa?

⁵ǁŌ hân ge ǁgamgu ǃnagaba xu nîra ǃnae, tsî ǁansaben ân on.

⁶ǀAmoǀaeb ge ǁîb aiǃâ ǀōǀkhā hâ tsî ǃgû-aixūob ge kāǁōba hâ.

⁷ǁÎb ra ǀapasa ǃāǂui ǀkhaiǃnâ ǃkhais ǂamai; ǁîb ra ǃhūbaiba ǂgāmâi xū tama-i ai.

⁸ǁÎb ra ǁgamga ǃgaeǁae ǃâudi âb ǃnâ, tsî ti ī xawes ge ǃâusa ǃnaga ǂariǃā tama hâ.

⁹ǁÎb ra trons âb di aisa ǃkhōǂgan, ǁîb ra ǃâus âba ǁîs ǂama ǃāǂui,

¹⁰ǁîb ge ǃgupu ǃkhai-e ǁgamgu ai ge ǀnōǁnâ, ǃnâb ra ǃkhaenas xōǀkhā toa ǃkhais kōse.

¹¹ǀHommi di ǂkhâǃnâgu ge ra ǁnope, tsî gu ge ra ǃhuri ǀaus âb xa.

¹²ǁÎb di ǀgaib ǀkhab ra huriba ǃkhaiǃā tsî ǁîb di ǁnâuǃāb ǀkhab ra ǁîba Rahaba hîkākā.

¹³ǁÎb di ǂoab ǀkhab ra ǀhomma ǃnâǃnâ; ǃommi âb ge gaxuse ra gon ǀaoba ge kuru.

¹⁴Mû, nēdi ge ǀkhâuǀamdi daogu âb dide; tsî mati ī ǂkhari ǃkhairo-i ǀgui-e da ge ǁîb xa ǁnâu! Tari-e a ǁkhā, ǃgurub ǁîb ǁkhāsigu diba ǁnâuǃāsa?