Read Khoekhoegowab Job 29 Bible Online

Job 29 - Khoekhoegowab bible

Job 29

¹Tsî Job ge ǃaruǀî ǂkhoamîs âba tsoatsoa tsî ge mî:

²Koma ta ga aibekam ǁkhâgu ǃnâs khami a ī, ǁnā tsēdi ǁîdi ai da ge Elob xa sâuhedi khami.

³ǁÎb di ǃamamǀaesab ge ti danas ǂamǃnâ ǃnâ kai ǃnubai, tsî ǁîb di ǃnâb ǀkha ta ge ǃkhaenasa ǃgûǃganu ǃnubai.

⁴Tsēdi ti ǃgaoǁaeb didi ǃnâ ta ge ī i khami Elob di ǂganǃgâsib ge ti tentoms ai hâ i ǃnubai,

⁵Hoaǀgaixab ge ganupe tita ǀkha hâ i, tsî ǀgôan âtan ge ti ǂnamipe hâ i ǃnubai,

⁶ti dāǃharode ta ge âudai-i ǃnâ ge ǁā tsî ǃhaob ge ti xōǀkhā oliǃāroga ǁhōǂui ǃnubai.

⁷ǁĀba-ū ta ge ǃās ǃoa ǃgû ǃnubai, ti ǂnû-aiǃnaosa ta ge daob ai mâi kai ǃnubai,

⁸ǂkhamgu ge tita mû tsî ge gaugausen, kairagu ge khâi tsî mâ ǃnubai,

⁹ǂamsagu ge ǃhoaǀû tsî amsa ǃkhō ǃnubai;

¹⁰dommi gaosagu dib ge ǃnōǃnōhe, tsî nams âgu ge ǁîgu di namǃhanab ai ǂae ǃnubai.

¹¹ǂGae-i ga ǁnāǃnubai ǁnâu teo, o i ge ǃgâiǃōse ge ū te, mû-i ga mû teo, o i ge tita xa ge ǃkhō-am,

¹²tita ge ǁnā ǀkhomǀkhomsabe-i hîa ra ǂgai-e ǃnoraǃnora xui-ao, tsî ǁnā ǃoaǀgôa-i hîa hui-ao-e ūhâ tama hâ-e.

¹³ǀKhaeb, ǁnāb hîa ge kā hâ ib dib ge ti ai ge hā; tsî ǂgaob ǃoataras diba ta ge dâxase ge ǁnae kai.

¹⁴Tita ge ǂhanu-aisiba ge ana, tsî ǁîb ge tita ge ana; ti ǀgoraǃgâs ge anaǂam sarase tsî ǀgapaxūse ge i.

¹⁵ǂGī hâna ta ge mûse ge ība, tsî ǃhorana ta ge ǂaise ge ība.

¹⁶ǂHâ hâna ta ge ǁgûse ge ība; tsî ǀū te khoen di ǂhanuǃkhai-e ta ge ge ôaǃnâ.

¹⁷Tsî tita ge ǁgûgu ǂkhabadī-aob diga ge khôaǂkhū, tsî ta ge ǁkhâuǁnâsa ǁîb di ǁgûga xu ge tsubuǂui.

¹⁸Tsî ta ge nēti ge mî: Tita ge ti oms ǃnâ nîra ǁō, tsî ta ge fenik anib khami ti tsēde nîra ǂguiǂgui.

¹⁹Ti ǃnomagu ge ǁgam-iǀî nîra ǂgui, tsî ǀaub ge ti ǁnâub ai nîra hâǁgoa.

²⁰Ti ǂkhaisib ge tita tawa nîra ǀasa, tsî ti khās ge ti ǃomǁae nîra ǂkham.

²¹Titan ge ge ǃgâ, tsîn ge ge ǃâu, tsîn ge ti ǀapes ai ge ǃnō.

²²Ti mîs khaoǃgân ge ǁkhawa khom tama ge i; tsî ti mîs ge ǁîn ai ge ǂnâ.

²³ǁÎn ge tita ge ǃâu ǀapib ra ǃâuhe khami, tsîn ge ams âna ge khowa ǃnaresibǀîs ǃaromas axase.

²⁴Tita ge ǁîna ge âiǂui, ǁîn ge ǂgom tama i ǃnubai; tsî ǃnâb ti ais diban ge ǃkhaeǃkhae ǁoa ge i.

²⁵ǁÎn di daoba ta ge ǁhûiǂuibaseno, o ta ge danase ge ǂnû; tsî ta ge gao-aose ǂnubidi ǁaegu ge hâ i; ǃoa hâna ra ǁkhaeǂgao ta ase.