Read Khoekhoegowab Job 33 Bible Online

Job 33 - Khoekhoegowab bible

Job 33

¹Tsî amase, Jobtse, ǁnâu re ti mîde; îts ti mîdi hoade ǃgâ re.

²Mû, tita ge ams âtasa go khowa; ti nams ra ǃhoa, ti namǃhanab ǃnaga.

³Ti mîdi ge ǂhauǃnâsib ti ǂgaob dib tsî ǂans ti amǁgaukha dis hîa ǃanusa nîra ǃhoaǂui.

⁴Gagab Elob dib ge tita ge kuru; tsî ǀommi Hoaǀgaixab dib ge tita ge ûi-ûi.

⁵ǁKhāts kao, ǁnâi ǃeream te; ǂhomisen ti ais aiǃâ, îts mâ.

⁶Mû, tita ge a Elob di, sats ǁkhāts khami; tita on ge ǂgoaba xu ǂnubihe hâ.

⁷Mû, ti ǃhurib ge satsa ǃaoǃao tide, tsî ti ǃommi ge satsa ǃgomdā tide.

⁸Amasets ge satsa ti ǂgaera ǃnâ ge mî, tsî tita ge dommi ǁnā mîdi diba ge ǁnâu:

⁹Tita ge a ǃanu tsî a ǃûǂamo; tita ge a ǃanu tsî a ǀhapio.

¹⁰Mû, ǁîb ra ti ǃoagu ǀhapiǃkhaide hō; ǁîb ge khākhoese ū te hâ.

¹¹ǁÎb ra ti ǂaira ǃnao-i ǃnâ ǂgā; ǁîb ra ǃûi ti ǃgangu hoaga.

¹²Mû, nēs ǃnâts ge ǂhanu tama hâ ti ta ge tita ra ǃeream tsi, Elob khoeba ǃnā hâ amaga.

¹³Tarexats kha ǁnâi ǁîba ge ǂnoagu-ū? ǁÎb kom ǃeream tamao mîdi khoe-i didi aio?

¹⁴Kō, ǀgui ǃnās kōse, ǀgam ǃnāra kōseb ra Eloba ǃhoa; xawe sats khoets ge ǃgaoǃgâ tama hâ.

¹⁵ǁHapos ǃnâ, ais tsuxub dis ǃnâ, ǃgam ǂoms xan ra khoena hāǂamhe ǃnubai, ǁgoeǃkhais ain ra ǂomhî,

¹⁶hîab ra ǁî xūna khoen di ǂgaesa ǂhaiǂhaiba tsîb ra ǁîna ǀaus ǀkha ǃaoǃao.

¹⁷Sats khoetsab nî ǁkhaedawase dīts ra xūna xu, tsî sats aots di ǃguriǂgaoxasibab nî ūbēse,

¹⁸ǀoms âbab nî kāǁōsiba xu ūdawase, tsî ûib âba gôab ǃnâb ǁō tidese.

¹⁹ǁKhātib ra ǁkharahe tsûb ǀkha kharob âb ai, tsî ǃkhammi âb ge ǂkhōgu âb ǃnâ ra hâhâ,

²⁰ûib âb ra pereba uixas kōse, tsî ǀoms âba turahesa ǂûna.

²¹ǁGans âb ra ais âba xu ǀkhais kōse, tsî ǁîb ǂkhōgu mûheǁoa ge igu ra ǃkhāǂoas kōse.

²²ǀOms âb ra kāǁōsiba ǀgūs kōse, tsî ûib âba ǁnāgu hîa ra ǃgamgu kōse.

²³Tsî ǀhomǃgāb ga ǁîb ǀkha hâo, ǃhoaba-aob, ǀguib ǀoadisigu diba, khoebab nî anub hâ ǁguiǂams âba ǂhôaga,

²⁴ob ge ǁîba ǀkhom bi tsî nîra mî: Ore bi, îb tā kāǁōsiba ǃoa ǁgôa; oremariba ta go tita hō xuige.

²⁵Os ge ǁgans âba nîra ǂgau, ǂkhamsis ǃnâs ge ī is ǃgâ-ai; ob ge ǂkhamsis âb di tsēde ǃoa nîra ǃhoba.

²⁶Ob ge Elob ǃoa nîra ǀgore, ǁîb xa nî ǃgâibaheb ǃoa, tsî ais âba dâb ǀkha nî kōǀî; khoebab ǂhanu-aisib âba nîra mādawa-am xui-ao.

²⁷Ob ge ǁîba khoen aiǃâ ǁnae tsî nîra mî: Tita ge ge ǁore tsî ǂhanuba ge gamagama, xawe ta ge dīdawa-amhe tama ge i.

²⁸ǁÎb ge ti ǀomsa ge ore kāǁōsiba ǃoas ǁgôa tidega, ob ge ti ûiba ǃnâba nîra kōǀî.

²⁹Kō, nēn hoanab ra Eloba khoeb ǀkha ǀgam tsî ǃnona ǃnādi kōse dī;

³⁰ǀoms âbab nî kāǁōsiba xu ǁkhaedawase, ǃnâǃnâheb nîse ûib di ǃnâb ǀkha.

³¹ǃGaoǃgâ, Jobtse, îts tita ǃgâ; ǃnō satsa, î ta tita ǃhoa.

³²ǃHoats nî xū-i ga hâo, ǁnâi ǃeream te, ǂhanu-ai kai tsi ǂgao ta hâ xuige.

³³ǁNā tamas ka io, ǁnâi tita ǃgâ; ǃnō, î ta gā-aisiba ǁkhāǁkhā tsi.