Read Khoekhoegowab Job 35 Bible Online

Job 35 - Khoekhoegowab bible

Job 35

¹Tsî Elihub ge ǃaruǀî ǃeream tsî ge mî:

²ǂHanusets ūhâ mîts kao: Ti ǂhanu-aisib ge Elob aiǃâ hâ, ti?

³Tare-e nî harebeba te? Mâ ǃnā hâ hōbasensa ta ǁîb tawa nî ūhâ ǁoreb xa? tits kom satsa ge mîo.

⁴Tita ge satsa nî ǃeream tsî sa horesaga sats ǀkha.

⁵Kōkhâi ǀhommiǀî îts mû; îts kōǀî ǀgapise hâ ǃâudi, sats xa a ǀgapide.

⁶ǁOrets kao, tare xū-ets ra ǁîba dī-ū? ǃÛǂamdi âts ga ǂgui o, tare xū-ets ra ǁîba sîsenū?

⁷ǂHanu-aits kao, tare xū-ets ra ǁîba mā? Tare-eb ra ǁîba ǃkhōǃoa sa ǃomǁaeba xu?

⁸Sa eloxoresasib ge khoeb, sats khami īb ǀguiba ra tsâǀkhā, tsî ǂhanu-aisib âtsa khoenôaba.

⁹Kaisib ǁgâiǀāb dib xan ra khoena ǂgai; ǁîn ra huiǂgai kaigu di ǁgâiǀāb ǃaroma.

¹⁰Xawe khoe-i xare-i ge: Mapab hâ Elob, ti Kuru-aob, tsuxub ǃnâ psalmde ra māba,

¹¹sida ǀgurun ǃhūb din ǃgâ-ai ra ǁkhāǁkhāba, tsî ǀhommi di anin ǃgâ-ai ra gā-ai kai daba? ti mî tama hâ.

¹²ǁNāpan ra ǂgai, xawe ǁîb ge ǃeream tama hâ ǂkhaban di ǃguriǂgaoxasib ǃaroma.

¹³Amaseb ge Eloba ǁausiba ǁnâu-am tide; tsî Hoaǀgaixab ge ǁîna kōǀî tide.

¹⁴Sats on ge: Sats ge ǁîba kōǀî tide, ti ge mî; xawe ǀgoraǃgâs ge ǁîb di ais aiǃâ hâ, îts ǁnâi ǁîba ǃâu,

¹⁵xawe nēsi i ge a ǁau, ǁaib âb ge Joba ôaǃnâ ǃkhaisa tsî ǁîb ge ǁîba kaise mûǃkharu tama hâ,

¹⁶ob ge Joba ǁausib ǀkha ams âba ge khowa, tsîb ge ǂans ose ǂgui mîde ge ǃhoa.