Read Khoekhoegowab Job 6 Bible Online

Job 6 - Khoekhoegowab bible

Job 6

¹Ob ge Joba ǃeream tsî ge mî:

²Ae, ti ǃoab ga ǂhanuse ǀnōhe tsîb ga ti ǀkhomǀkhomsasiba ǀnō-ūxūs ǃnâ ǀgui-ūkhâihe.

³Ob hurib di ǃhūb ǃgâ-ai nî ǃgom, ǁnā-amaga di ti mîde ǂâiǃgâhe tama hâ.

⁴ǂĀgu Hoaǀgaixab digu tita ǃnâ hâ xui-ao, ǃgāb âgas ti gagasa ra āga; ǃhuriǃhuridi Elob didi ge ra xāǂgā te.

⁵ǃGoreba āb ra xare ǃam ǀgân tawa? Āb ra xare gomaba ǂûn âb tawa?

⁶ǃGabu ǂûna ǂûhen ra xare ǂō-i ose, ǁkhoa-e hâ i a xare ǃupus di ǃurib ǃnâ?

⁷Ti ǀoms ra ǁîna tsâǀkhāsa ǂkhā; ǁîn ge ui-uisa ǂûn ase ība te.

⁸Îs ga ti ǂgansa ǀoa, îb ga Eloba ti ǃâubasensa mā te;

⁹Eloba ab ǁnātikōse ǃgâi îb ǂkhūǂkhū te, îb ǃommi âba ǂgaedawa îb ǃgaoǁnâ te!

¹⁰ǁÎs ga gorose ti ǁkhaeǂgaose ī tsîs ga khoakhoa te ti tsûaǂgaob ǃnâ ǀūxū tama ta hâ, mîdi ǃAnub dide amaga.

¹¹Tareba ti ǀgaiba o ta nî ǃâu? Tsî mâsa ti ǀamsa o ta nî ǃnūǃnū.

¹²Ti ǀgaiba kha ǀuiǀgaiba? Ti ǁgansa ǂaisa?

¹³Tita ge ǁî-aitsama a huisen ǁoa, tsî huisenū ta nî xū-e ta ge ūhâ tama hâ.

¹⁴ǁNāb hîa ǂkhabuǂâi hâ horesab âb tawa ǀkhomxaǂgaosiba dī tamab ge ǃaoǃgâb Hoaǀgaixab diba ra ǁnāxū.

¹⁵Ti ǃgâsagu ge ǂgomǂgomsa tamase ge dī ǃāro-i ase, ǃārogu hîa ra dâugu khami gu ra dâuǃganu,

¹⁶ǃgommi xa ǃkhaeǃkhaehe hâgu tsî tsamaros ǁîgu ǃnâ ra gaugausenga,

¹⁷ǀgamsib xa gu ra hāǂamhe ǃnubai gu ra bē; ǀgam-i rao, o gu ge ǃkhais âga xu ra kā.

¹⁸Daogu dâus âgu digu ge ǃnammi ai ra ī; tsî gu ge ǃgaroǃkhais ǃoa dâu tsî ra kā.

¹⁹ǃGûkhoen Temas din ra ǁîga mû, ǀnarema-aon Skebas din ra ǁîga ǃâu.

²⁰ǁÎn ge ra taotaohe, ǂgomaiǂnûin ge hâ i xui-ao; ǁîgu tawan ra sī ǃnubain ra ǀūa-ai.

²¹Amase, ǁnāti go ge sago nēsi xū tamase go ība te; ǃhuriǃhurisa ǃkhaisa mû tsî go ge ǃao xui-ao.

²²Mî ta ge tita: Xū-e mā te tamas ka io ǁamaǃkhuni xū-e ūhāba te, ū go hân xa, ti? tamas ka io:

²³Î go ore te ǁgâiǀā-aob di ǃomǁaeba xu, î go ore te ǁgâiǀā-aogu di ǃomǁaeba xu, ti?

²⁴ǁGau te go re, o ta ge tita nî ǃnō; î go mîba te re mâ xū-i ǃnâ ta go dīsā ǃkhaisa.

²⁵O, matikōse di a ǀgaisa ǂhauǃnâ mîde! Xawe sago di ǂgōǀausa tare-es ra dī?

²⁶Okha, ǂâi go ra mîde go ǂgōǀau ǁkhāse? Mîdi ǂkhîoǃnâ-i didi ge a ǁau, ǂoab khami.

²⁷ǃOaǀgôa-i on ǂama go ra ǀkhūsa ǂnau, tsî go ge sago di ǀhōsaba ra ǁamaxū.

²⁸Xawe nēsi ǁnātikōse ǃgâi î go ǂnanǀî te re. Tita ge sago di ais aiǃâ ǂhumi tide.

²⁹ǃHoba go re, î-i tā ǂkhaba ǃkhai-e hâ; ā, oa go re, xaweb ge ti ǂhanu-aisiba tita ǃnâ ganupe nî hâ.

³⁰ǂKhaba-e kha hâ i nî ti nammi ai? Ti namǃhanaba ǀgorab tide ǂkhabasiga?