Read Khoekhoegowab Psalmdi 101 Bible Online

Psalmdi 101 - Khoekhoegowab bible

Psalmdi 101

¹ǁNaetsanas Davib dis. Tita ge ǀkhomxaǂgaosib tsî ǂhanub tsîkha xa ra ǁnae ǂgao. Sats ǃKhūtsa ta ǁnaeba ǂgao hâ.

²Tita ge ǁnâuǃāxase nî sîsen ǂhau daob ai, mâ ǁaeb aits nî tita tawa hā? Tita ge ti oms ǃnâ ti ǂgaob di ǂhauǃnâsib ǀkha nî tanisen.

³Tita ge ǂkhaba dīǃkhai-e ti mûǁae mâi tide. Tita ge ǁnāǁgôa hân di dīga ra ǁkhan; titan ge ǂae-ai tide.

⁴ǂKhaba ǂgao-i ge tita xu nî ǃnūse hâ; ǂkhababa ta ǂan ǂgao tama hâ.

⁵ǁÎ-i di ǀgūkhoe-i xa ǂganǃgâsib ǃnâ ra ǀhoe-i, ǁî-e ta ge tita nîra hîkākā; ǀgapimûs â-i-i tsî ǃguriǂgaoxa-i tsîna ta ǂgao tama.

⁶Ti mûra ge ǃhūb ǃnâ hâ îǂhôan ai nî hâ, ti tawan nî ǁanse; ǂhau daob ai ra ǃgû-i, ǁî-i ge tita nî ǃoaba.

⁷Gāxaǃnâsiba ra dī-i ge ti ommi ǃnâ hâ tide-e; ǂhumiba ra ǃhoa-i ge ti mûǁae hâhâ tide-e.

⁸Mâ ǁgoas hoasa ta ge ǃhūb di eloxoresan hoana nî hîkākā, ǃKhūb ǃāsa xu ta ǂkhabadī-aon hoana nî hîkākāse.