Read Khoekhoegowab Psalmdi 11 Bible Online

Psalmdi 11 - Khoekhoegowab bible

Psalmdi 11

¹ǁNaetsanas Davib dis, ǂam ǁnae-aobab ge dības. Tita ge ǃKhūb ai ra mûmâinǃgâ. Mati du ǁnâi ti ǀoms ǃoa ra mî: ǁKhanasī re sadu ǃhomgu ǃoa, ani-i ra dī khami?

²Nēti ī xui-ao: Mû, eloxoresan ge khāsa ra ǂgaeǃnâ; ǁîn ge ǂāga khāǁapab ai ra ǁgui, ǃkhaeb ǃnân nî ǂhauǃnâna ǁkhâuga.

³Amase ǃgaoǃgaogu ge ra dawaǃkhupuhe, tare-eb kha ǂhanu-aiba a sîsenǂui ǁkhā?

⁴ǃKhūb ge gao-ommi ǁîb ǃanusib dib ǃnâ hâ; ǃKhūb di trons ge ǀhommi ǃnâ hâ. ǁÎb di mûra ge ra kō, ǁîb di ǀgâukha ge khoen ôana ra ǃâitsâ.

⁵ǃKhūb ge ǂhanu-aiba ra ǃâitsâ, xawe eloxoresab, tsî ǁnāb, ǁgarisa ǀnam hâbas ge ǀoms âba ra ǁkhan.

⁶ǁÎb ge eloxoresan ai ǁnoaga nîra ǀapi kai; ǀaes tsî swabeli tsî ama ǀgaisa ǃgom ǂoab tsîn ge nî ǁîn ǀgabis di amǃnâ.

⁷ǃKhūb ge a ǂhanu-ai xui-ao, ǁîb ge ǂhanu-aisiga a ǀnam; ǂhauǃnâ-i ge ǁîb di aisa nîra mû.