Read Khoekhoegowab Psalmdi 111 Bible Online

Psalmdi 111 - Khoekhoegowab bible

Psalmdi 111

¹Haleluja. Tita ge ǃKhūba nî koa ti ǂgaob hoab ǀkha, ǂhauǃnân di ǀapeǀhaos tsî ǀhûs ǃnâ.

²ǃKhūb di sîsengu ge a kai; ǁîgu ge ra ôaǃnâhe ǁîgu ǃnâ turaba ūhân hoan xa.

³ǁÎb di dīgu ge a anu tsî ǂkhaisa, tsî ǂhanu-aisib âb ge ǀamosib kōse ra hâ.

⁴ǁÎb ge buruxa dīn âba ǂâiǂâisen-e ge ǂnûiba; ǃKhūb ge a ǀkhomxa tsî ǀkhomxaǃnâ.

⁵ǁÎb ge ǁnān, ǁîba ra ǃaoǃgâna ge ǂûmā; ǁîb ge ǀamosib kōse ǃgaeǀhaos âb xa ra ǂâi.

⁶ǁÎb ge ǀgaib sîsengu âb diba khoen âba ge ǂanǂan, ǁaes di ǀumisa ǁîna mās ǀkha.

⁷Sîsengu ǃomkha âb digu ge ama tsî a ǂhanu; ǁîb di mîmādi hoadi ge a ǂgomǂgomsa.

⁸ǁÎdi ge hugaǀgui ǀamosib kōse a ǁaposa, amab tsî ǂhauǃnâsib ǃnâ dīhe hâǃâ.

⁹ǁÎb ge ǁaes âba oresa ge sîba; ǁîb ge mîmâis âba ǀamosib kōse ge mâiǁapoǁapo. ǀOns âb ge ǃanu tsî a ǃaoǃaosa.

¹⁰ǃAoǃgâb ǃKhūb dib ge gā-aisib di tsoatsoaba; ǁîba ra dīn hoan ge ǃgâi ǁnâuǃāba ūhâ. Koas âb ge ǀamosib kōse ra hâhâ.