Read Khoekhoegowab Psalmdi 112 Bible Online

Psalmdi 112 - Khoekhoegowab bible

Psalmdi 112

¹Haleluja! ǃGâiǃōb ge ǁnā khoeb, ǃKhūba ra ǃaoǃgâb, kai turaba mîmādi âb ǃnâ ūhâba.

²Surib âb ge ǃhūbaib ai nîra ǀgaisa; ǂhanu-ain di ǃhaos ge nîra ǀkhaehe.

³ǁÎb oms ǃnân ge xūn tsî ǃkhūsib tsîna nîra hâ, tsî ǂhanu-aisib âb ge ǀamosib kōse ra hâhâ.

⁴ǂHauǃnâb ge ǃnâb xa ra ǁhaiǂamhe ǃkhaenas ǃnâ; ǃKhūb ge ǀkhomxa, ǀkhomxaǃnâ tsî a ǂhauǃnâ.

⁵ǃGâiǃgâxab ge ǁnā khoeb, ǀkhom tsî ra ǀkhupib, xūn âba ǂhanuse ra dī-unuba.

⁶Amaseb ge ǁîba ǀamosib kōse ǁnope tide; ǂhanu-aib ge ǀamos kōse nîra ǂâiǂâisenhe.

⁷ǁÎb ge ǂkhaba gom-i xare-e ǃao tide; ǂgaob âb ge a ǁaposa, ǃKhūb aib ge ra ǂgomaiǂnûi.

⁸ǂGaob âb ge ǁaposa, ǁîb ge ǃao tide, ǁîb di mâǃoasaben aib nî kōs kōse.

⁹ǁÎb ra tsoro, ǀgâsanab ra mā; ǂhanu-aisib âb ge ǀamosib kōse ra hâ; ǁnâb âb ge ǃgôasib ǃnâ nîra ǀgapiǀgapihe.

¹⁰Eloxoresab ge ǁîsa mû tsî ra ǁaixa, ǁaninǁgû tsîb ge nîra tsuni; eloxoresan di turab ge nîra kā.