Read Khoekhoegowab Psalmdi 116 Bible Online

Psalmdi 116 - Khoekhoegowab bible

Psalmdi 116

¹Tita ge a ǀnam, ǃKhūb ra ti dommi tsî ti ǀkhomabasende ǁnâu amaga.

²ǁÎb di ǂgaesab ra tiǀî ǂō amaga, o ta ge ti ûitsēdi ǃnâ ǁîba nîra ǂgaiǀî.

³ǃGae-ūdan ǁōb din ge tita ge ǃgaeǃnon, tsî ǃaob ǁō hân hâǃkhaib dib xa ta ge ge hāǂamhe; ǂōǂōsib tsî ǃoab tsîkha ta ge ge hō.

⁴Xawe ta ge ǃKhūb di ǀonsa ǂgaiǀî tsî: ǃKhūtse, ti ǀomsa ore re! ti ge mî.

⁵ǃKhūb ge a ǀkhomxa tsî ǂhanu-ai; tsî sida di Elob ge a ǀkhomxaǂgao.

⁶ǃKhūb ge gârena ra sâu; tita ge ge ǂkhabu, xawe ǁîb ge tita ge hui.

⁷Ti ǀomse, ǁkhawa oa re sa sâba ǃoa, ǃKhūb ge go ǃgâidī si xuige.

⁸Sats ǃKhūts ge ti ǀomsa ǁōba xu ge ore, ti mûra ǁgamrona xu, tsî ti ǂaira ǃnôasa xu.

⁹Tita ge ǃKhūb di ais aiǃâ nîra ǃgû ǃhūb ûitsaman dib ǃnâ.

¹⁰Tita ge ge ǂgomhâhâ, mî ta ge xawe: Kaise ta ge ǁgâiǀāhe hâ, ti.

¹¹Tita ge ti ǃaob ǃnâ: Khoen hoan ge a ǂhumi-ao, ti ge mî.

¹²Tare-e ta kha ǃKhūba nî mādawa-am, ǁîb di ǃgâidīgu ti tawab ge dīgu di amǃnâs ǃnâ?

¹³Tita ge ǀgabis ores disa ūkhâi tsî ǃKhūb di ǀonsa nîra ǀgoreǀî.

¹⁴Ti mîmâide ta ge ǃKhūba nîra matare ǁaes hoas âb aiǃâ.

¹⁵ǀGapiǃgôasab ge ǁōb ǁîb ǀkhomsaben diba ǃKhūb di mûǁae.

¹⁶ǃKhūtse, amase ta ge a sa ǃgā; sa ǃgāta ge tita, ǃgās âts di ôata. Sats ge ti ǃgae-ūdana ge ore.

¹⁷Tita ge ganganǁguibasa satsa nîra ǁguiba, tsî ǃKhūb di ǀonsa nîra ǂgaiǀî.

¹⁸Tita ge ti mîmâide ǃKhūba nîra matare ǁaes hoas âb aiǃâ,

¹⁹ai-omgu ǃKhūb ommi digu ǃnâ, sa ǁaegub ǃnâ, Jerusalemse! Haleluja.