Read Khoekhoegowab Psalmdi 12 Bible Online

Psalmdi 12 - Khoekhoegowab bible

Psalmdi 12

¹ǁNaetsanas Davib dis, ǂam ǁnae-aobab ge dības Seminits ǃoa. Hui re, ǃKhūtse, ǂhauǃnâ-i ge a ǀkhai; ǂgomǂgomsan ge a ǀoro khoen ôan ǃnâ xuige.

²Gāxaǃnâsisen ra ǃhoa mâ-i hoa-e ǁî-i di ǀgūkhoe-i ǀkha; hînaxaǃnâ amǁgaugu ǀkha, ǃhonarisa ǂgaob ǀkhan ra ǃhoa.

³Ab ǃKhūba mâ hînaxaǃnâ amǁgaugu hoaga ǃgaoǁnâ, kai xūna ra ǃhoa namsa.

⁴ǁNān hîa ra mîn: Sida ge sida nams ǀkha nî dan; sida amǁgaugu ge sida ǀkha hâ. Tariba sida di ǀhonkhoe?

⁵ǀKhomǀkhomsaben di hîǀhuruhes, ǂhâsib ǃnâ hân di ǃgaes ǃaroma ta ge tita nî khâi, tib ra ǃKhūba mî. Tita ge nî hui ǁnā-i, huiba ra tura-e.

⁶ǃKhūb di mîdi ge ǃanu mîde, ǀhaiǀurib, ǃhūb ai tsunitsuniǃnâsūs ǃnâ hû ǃnādi kōse ge ǃanuǃanuheb khami.

⁷Sats ǃKhūts ge nîra sâu da; sats ge nîra ǃûi da nē ǃhaos ǃoa-ai ǀamos kōse.

⁸Eloxoresan ra ǃnaima, khoen ôan di ǂkhaban ra ǃnā ǃnubai.