Read Khoekhoegowab Psalmdi 132 Bible Online

Psalmdi 132 - Khoekhoegowab bible

Psalmdi 132

¹Ams ǃgûǃapas dis. ǃKhūtse, Davib xa ǂâi re, tsūǀkhāb âb hoab xa.

²ǃKhūba ge nūbab, Jakob di ǀGaisaba ge mîmâibaba:

³Tita ge ti ommi di dao-ams ǃnâ ǂgâ tide, tita ge ti kharob ai ǃapa tide,

⁴tita ge ti mûra ǁom kai tide, tsî ti mûǁgaikha ǂomhî kai tide,

⁵ǃKhūba ta nî ǃkhai-e hōbas kōse, ǁanǃkhai-i Jakob di ǀGaisab di-e.

⁶Mû, sida ge ǁîs xa ge ǁnâu Efratas ǃnâ, sida ge ǁîsa ge hō Jaari di ǃhanagu ǃnâ:

⁷A da ǂgâ ǁîb di ǁanǃkhais ǃnâ; a da ǃhonǁgoa ǁîb ǂaira di ǂnûi-aidas aiǃâ.

⁸Khâi re, ǃKhūtse, sa sâǃkhais ǃoa, sats tsî sa ǀgaib di ǂgaes tsîro.

⁹A gu sa pristerga ǂhanu-aisib ǀkha anahe, în sa ǀkhomsabena dâ

¹⁰sa ǃgāb Davib ǃaroma, tā ǁkhaedawa re sa ǂkhauǀkhāsabeb di aisa.

¹¹ǃKhūb ge Daviba amaba ge nūba, ǁîba xub ǂgō tideba: Tita ge sa ǃnāb di ǂûtaniba sa trons ai nîra ǂnûiba tsi, ti.

¹²Sa ôagu ga ti ǃgaeǀhaosa ǃkhōǀgaipeo, tsî ti ǀhûǀguitimîdi, tita ǁîga nî ǁkhāǁkhāde, o gu ge ǁkhāti ǁîgu ôaga ǀamosib kōse sa trons ai nîra ǂnû.

¹³ǃKhūb ge Sionsa ūǂuibasen hâ, ǁîb ge ǁîsa ǁanǃkhais âb ase tura hâ:

¹⁴Nēs ge ti sâǃkhaisa ǀamosib kōse; nēpa ta nî ǁan, ǁîsa ta tura hâ xui-ao.

¹⁵Tita ge ǂûn âsa kaise nîra ǀkhae; ǂhâ hâna ta ge tita pereb ǀkha nîra ǁâǁâ.

¹⁶Pristergu âsa ta ge tita ǃgâiǃōb ǀkha nîra ana, tsî ǀkhomsaben âs ge kaise nîra dâ.

¹⁷ǁNāpa ta ge tita Daviba ǁnâba nîra ǀkhī kaiba, tita ge ti ǂkhauǀkhāsabeba ǃamamǀae-e ǁāǁāba hâ.

¹⁸Tita ge ǁîb khākhoena taosib ǀkha nîra ana, xawe ǁîb ais ge krons âba nîra ǂkhai.