Read Khoekhoegowab Psalmdi 136 Bible Online

Psalmdi 136 - Khoekhoegowab bible

Psalmdi 136

¹Koa du re ǃKhūba, ǁîb a ǃgâi xuige, ǀkhomxaǂgaosib âb ǀamosib kōse ra hâ xuige.

²Koa du re elogu di Eloba, ǀkhomxaǂgaosib âb ǀamosib kōse ra hâ xuige.

³Koa du re ǃkhūgu di ǃKhūba, ǀkhomxaǂgaosib âb ǀamosib kōse ra hâ xuige,

⁴ǁNāb, ǀguri kai buruxa dīna ra dība, ǀkhomxaǂgaosib âb ǀamosib kōse ra hâ xuige.

⁵ǁNāb, ǀhomga ǁnâuǃāb ǀkha ge kuruba, ǀkhomxaǂgaosib âb ǀamosib kōse ra hâ xuige.

⁶ǁNāb, ǃhūbaiba ǁgamgu ai ge ǃāǂuiba, ǀkhomxaǂgaosib âb ǀamosib kōse ra hâ xuige.

⁷ǁNāb, kai ǃnâde ge kuruba, ǀkhomxaǂgaosib âb ǀamosib kōse ra hâ xuige.

⁸Soresa, tsēa nî gaose, ǀkhomxaǂgaosib âb ǀamosib kōse ra hâ xuige.

⁹ǁKhâb tsî ǀgamirodi tsîna, tsuxuba nî gaose, ǀkhomxaǂgaosib âb ǀamosib kōse ra hâ xuige.

¹⁰ǁNāb, Egipteǁîna ǂguroǃnaesagu ân ǃnâ ge ǂnauba, ǀkhomxaǂgaosib âb ǀamosib kōse ra hâ xuige.

¹¹Tsî Israela ǁîn di ǁaeguba xu ge ǂgaeǂguiǂuiba, ǀkhomxaǂgaosib âb ǀamosib kōse ra hâ xuige.

¹²ǀGaisa ǃommi ǀkha tsî ǀhōǂuihesa ǁôab ǀkha, ǀkhomxaǂgaosib âb ǀamosib kōse ra hâ xuige.

¹³ǁNāb, ǂĀxahuriba ge ǃâra ǃnâ ǀgoraǃāba, ǀkhomxaǂgaosib âb ǀamosib kōse ra hâ xuige.

¹⁴Tsî Israela ǁaegub âb ǃnâ ge ǂgaeǂguiǃgâuba, ǀkhomxaǂgaosib âb ǀamosib kōse ra hâ xuige.

¹⁵ǁÎb, Faraoba toroǂnubis âb ǀkha ǂĀxahurib ǃnâ ge ǂhāǂgāba, ǀkhomxaǂgaosib âb ǀamosib kōse ra hâ xuige.

¹⁶ǁÎb di ǁaesa ǃgaroǃhūba ge ǂgaeǂguiǃganuba, ǀkhomxaǂgaosib âb ǀamosib kōse ra hâ xuige.

¹⁷Kai gao-aoga ge danba, ǀkhomxaǂgaosib âb ǀamosib kōse ra hâ xuige.

¹⁸Tsî ǀgaisa gao-aoga ge ǃgamma, ǀkhomxaǂgaosib âb ǀamosib kōse ra hâ xuige.

¹⁹Sihonni, Amorǁî gao-aoba, ǀkhomxaǂgaosib âb ǀamosib kōse ra hâ xuige.

²⁰Tsî Ogi, Basanni gao-aoba, ǀkhomxaǂgaosib âb ǀamosib kōse ra hâ xuige.

²¹Tsî ǁîkha di ǃhūba ǀumixūse ge māba, ǀkhomxaǂgaosib âb ǀamosib kōse ra hâ xuige.

²²ǀUmixūse Israeli, ǃgāb âba, ǀkhomxaǂgaosib âb ǀamosib kōse ra hâ xuige.

²³Sida ǃharaxūhes ǃnâ sida xa ge ǂâiba, ǀkhomxaǂgaosib âb ǀamosib kōse ra hâ xuige.

²⁴Tsî sida mâǃoasabena xu ge huiǂui daba, ǀkhomxaǂgaosib âb ǀamosib kōse ra hâ xuige.

²⁵ǁGans hoasa ra ǂûmāba, ǀkhomxaǂgaosib âb ǀamosib kōse ra hâ xuige.

²⁶Koa du re ǀhommi di Eloba, ǀkhomxaǂgaosib âb ǀamosib kōse ra hâ xuige.