Read Khoekhoegowab Psalmdi 137 Bible Online

Psalmdi 137 - Khoekhoegowab bible

Psalmdi 137

¹ǃĀgu Babilons digu tawa, ǁnāpa da ge sida ǂnû tsî ge re ā, Sions xa da ge ǂâi ǃnubai.

²Sida ge harpdi âda ǂhûihaidi, ǁîs ǃnâ hâdi ai ge ǂgāmâi.

³ǁNāpan ge, ǃkhōsan ase ge sida ūhâ ina ǁnaetsana-i di mîde ge ǂgaoǀkhā da, tsî ǁîn ǁgâiǀā da ran ge ǃgâiaǂgaoba ǂgaoǀkhā da tsî: ǁNaeba da re ǀgui-i Sions ǁnaetsanadi di-e! ti ge mî.

⁴O da ge: Mati da kha ǃhao ǃhū-i ǃnâ ǃKhūb di ǁnaetsana-e a ǁnae ǁkhā? ti ge mî.

⁵Sas Jerusalemsa ta ga ǀuruo, ab ti amǀkhāb ǁôaba ǀuruhe.

⁶As ti namsa ǂae ti namǃhanab ai, sas xa ta ga ǂâi tama io, Jerusalemsa ta ga ti ǃgâiaǂgaob hoaba ǃnā hâse ǀgapiǀgapi tama io.

⁷ǃKhūtse, ǂâiba re Edommi ôana Jerusalems di tsēsa, ǁîn nēti ge mîna: Khôaǁnâ si, khôaǁnâ si, ǁîs di ǃgaoǃgaob kōse! ti.

⁸Babilons ôase, sas hîǀhuru ras, ǃgâiǃgâ-i ge ǁnā-i, sasa sa dība nî dīdawa-am-e, sidas ge dī-ūba;

⁹ǃgâiǃgâ-i ge ǁnā-i, sa ôana ū tsî ǀuib ai nî ǂkhūǂkhū-e.