Read Khoekhoegowab Psalmdi 138 Bible Online

Psalmdi 138 - Khoekhoegowab bible

Psalmdi 138

¹ǁNaetsanas Davib dis. Tita ge satsa nî koa ti ǂgaob hoab ǀkha; elogu di ais aiǃâ ta ge satsa nî psalmǁnaeba.

²Tita ge nî ǃhonǁgoa sa ǃanu î-ommiǀî, tsî ta ge sa ǀonsa nî ǃkhōǀkhā sa ǀkhomxaǂgaosib tsî sa amab tsîkha ǃaroma, sats ra sa ǀons hoaragas ǂamai sa mîsa kaikai xui-ao.

³ǂGai ta ge tsēs aits ge tita ge ǁnâu-am; sats ge tita kai ǀgaiba ge mā ti ǀoms ǃnâ.

⁴Gao-aogu ǃhūbaib digu hoagu ge ǃKhūtse satsa nî ǃkhōǀkhā, sa ams di mîde gu ge ǁnâu xui-ao.

⁵Tsî gu ge ǃKhūb di daogu xa nîra ǁnae, ǃKhūb di ǂkhaisib a kai xui-ao.

⁶ǃKhūb ge a ǀgapi, xaweb ge ǃgamǃgamsen hâ-e ra kōǀî xui-ao, tsî ǀgapiǀgapisen ra-eb ge ǃnūseba xu a ǂan.

⁷ǂŌǂōsib ǁaegub ǃnâ ta ra ǃgû hîats ra ûi-ûi te; sa ǃommats ra ǀhōǂui ti khākhoen di ǁaibǀî, tsî sa amǀkhāb ǁôab ra sâu te.

⁸ǃKhūb ge ǁîsa tita nîra dīǀoaǀoaba; ǃKhūtse, sa ǀkhomxaǂgaosib ge ǀamosib kōse ra hâ. Tā ǁnāxū re sîsenni sa ǃomkha diba.