Read Khoekhoegowab Psalmdi 14 Bible Online

Psalmdi 14 - Khoekhoegowab bible

Psalmdi 14

¹ǁNaetsanas Davib dis, ǂam ǁnae-aobab ge dības. Gâre khoeb ra ǁîb di ǂgaob ǃnâ mî: Elo-i kom hâ tamao. ǁÎn ra ǁgaoǁgao, tsîn ǁgaisise ra dī ǁîn di sîsenni ǃnâ; ǃgâidī ra-i xare-i a ǀkhai.

²ǃKhūb ge ǀhomma xu khoen ôan ai ge kōǁgôa, mûb nîga, īse i ǁnâuǃāxa khoe-e hâsa, Eloba ra ôa-e.

³Hoatsaman ge ge ǁnāǁgôa, ǀhûpen ge ǁgao hâ; ǃgâidī ra-i xare-i a ǀkhai, ǀgui-i xawe-i hâ tama.

⁴ǂAn-i xare-en kha ūhâ tama hâ, ǂhanuoǃnâsiba ra sîsenǂui khoen, ti ǁaesa ra hapuna, pere-en ra hapu khami. ǃKhūban ǂgaiǀî tama hâ?

⁵ǁNāpan ge ǃhurib xa ge hāǂamhe, Elob ge ǂhauǃnân di ǃhaos ǀkha hâ xui-ao.

⁶Sadu ge ǀkhomǀkhomsabeb di ǀapesa ra tao kai, xawe ǃKhūb ge a ǁîb di ǁhaiǁhâ xui-ao.

⁷Ae! Îs ga Sionsa xu ǀkhī Israeli di oresa! ǃKhūb ga ǁîb ǁaes di ǃkhōsana oa kai ǃnubaib ge Jakoba nîra dâ, Israeli ge nî ǃgâiaǂgao!