Read Khoekhoegowab Psalmdi 141 Bible Online

Psalmdi 141 - Khoekhoegowab bible

Psalmdi 141

¹ǁNaetsanas Davib dis. ǃKhūtse, satsa ta ra ǂgaiǀî; ǃhaese hāba te re; ti domma ǁnâu re, sa ǃoa ta ra ǂgai ǃnubai.

²As ti ǀgoresa sa aiǃâ ǀanǀanǁguibase ī re; ūkhâis ti ǃomkha disa ǃuiǁguibase.

³ǃKhūtse, ǃûiǃgâxū-e ti ams tawa ǂnûi re; ǃûiǃgâ re ti amǁgaukha di dao-amsa.

⁴Ti ǂgaoba tā ǂō kai re ǂkhabadī-iǀî, î ta tā xū-e eloxoresasib ǃnâ dīǀhao, khoegu ǂkhabase ra sîsengu ǀkha; î ta tā ǁîgu di ǃgâi ǂû-ain xa ǂû re.

⁵Ab ǂhanu-aiba ǀnammi ǀkha ǂnau te tsî ǂgōǀau te re, ǁnui-i khamis ge ǁîsa ti danasa nî ība. As ti danasa tā ǂkhā. Tsî ti ī xawe ta ge ǁîgu di ǂkhabasib ǃoagu ra ǀgore;

⁶ǁîgu di ǂhanuǂhanu-aogu ga ǃgareǀuiba xu a aoǁnâhe, o gu ge nî ǁnâu, ti mîdi a ǀnamǀnamsa ǃkhaisa.

⁷Sida di ǂkhōgu ge Hadeb di ams tawa ge ǀgaruǀgaruhe hâ i, ǃhūǃgao-aob ra ǃhūǃgaodaoga ǃgaoǃā khami.

⁸Xawe ti mûra ge sa ai hâ, ǃKhū, ǃKhūtse; sa ai ta ra ǂgomaiǂnûi; tā ti ǀomsa ǁhōǂui re.

⁹Sâu te re ǁnoab, titan ǁguiba hâb di ǀgaiba xu, tsî ǁnāǁnāxūn ǂkhabadī-aon dina xu.

¹⁰An eloxoresana hoatsama ǁîn di ǁnoagu ǃnâ ǁnā, tita ra ǃgûǃkharu hîa.