Read Khoekhoegowab Psalmdi 142 Bible Online

Psalmdi 142 - Khoekhoegowab bible

Psalmdi 142

¹ǁNaetsanaǂans Davib dis, ǀgores ǀgoreb gesa ǁhoab ǃnâb hâ hîa. Tita ge ti dommi ǀkha ǃKhūb ǃoa ge ǂgai; ǀkhomabasen ta ge ǃKhūba ti dommi ǀkha.

²Tita ge ti ǃgaesa ǁîb aiǃâ ge ǁhōǂui; ti ǂōǂōsiba ta ge ǁîb di ais aiǃâ ge ǂanǂan.

³Ti gagas ga ti ǃnâ tsau, ots ge satsa ti daoba a ǂan. ǁÎn ge tita tsurib ǀkha ge ǃnui, ǁnā daob, ǁîb ai ta nî ǃgûb ai.

⁴Tita ge amǀkhābǀî ge kō, tsî mû, khoe-i tita a ǂan-i ge ǀkhai ge i, ǁhaiǁhâǃkhai-i ge ǀkhai ge i; khoe-i xare-i ge tita ǂhansenba tama ge hâ i.

⁵Sa ǃoa ta ge ge ǂgai, ǃKhūtse. Tita ge ge mî: Sats ge ti ǁhaiǁhâtsa, ti amǃnâts a ûitsaman di ǃhūb ǃnâ.

⁶ǃGaoǃgâ re ti ǂgais ai, kaise ta ǂkhabu hâ xuige; ore te re ti ǃgôaǃgonaona xu, kaisen a ǀgaisaba te xuige.

⁷ǂGaeǂguiǂui re ti ǀomsa ǃkhō-omsa xu, sa ǀonsa ta nî koase. ǂHanu-ain ge tita nîra hâǂnamipe, titats ga ǃgâidī ǃnubai.