Read Khoekhoegowab Psalmdi 143 Bible Online

Psalmdi 143 - Khoekhoegowab bible

Psalmdi 143

¹ǁNaetsanas Davib dis. ǃKhūtse, ǁnâu re ti ǀgoresa, ǁnâu re ti ǀkhomabasensa; ǁnâu-am te re sa îǂhôasiba ǃoa, sa ǂhanu-aisiba ǃoa.

²Î sa ǃgāb ǀkha tā ǀgoraǃgâs ǃnâ ǂgâ, khoe-i xare-i, ûi hâ i ge sa ais aiǃâ ǂhanu-ai tama hâ xuige.

³Khākhoeb ge ti ǀomsa ra ǃgôaǃgon xui-ao, ǁîb ge ti ûiba ǃhūb ai ra dāǃgâ; ǁîb ge tita ǃkhae ǃkhaidi ǃnâ ra ǁgui, ǁnān, ǀnai ǁō hân khami.

⁴Tsî ti gagas ge ti ǃnâ tsau hâ; ti ǂgaob ge ti ǃnâ hîkākāhe hâ.

⁵Tita ge ǃkharu ge tsēdi xa ra ǂâi; tita ge ra ǂâiǂâisen sa dīgu hoagu xa, tita ge sa ǃomkha di sîsengu xa ra ǂâiǂâisen.

⁶Ti ǃomkha ta ge sa ǃoa ra khoraǂui; ti ǀoms ge sa ǃoa ǂnâsa ǃhū-i khami ǁgâ hâ. Sela.

⁷ǃHaese ǁnâu-am te re, ǃKhūtse; ti gagas ra tsanaǁkhui xuige. Sa aisa tita xu tā gaugau, î ta tā ǁnān, āb ǃnâ ra ǁgôan khami ī.

⁸ǁNâu kai te re ǁgoaǁaeb ai sa ǀkhomxaǂgaosiba, sa ai ta ra ǂgomaiǂnûi xuige. ǂAnǂan te re ǁnā daob, ǁîb ai ta nî ǃgûba, ti ǀomsa ta sa ǃoa ra ūkhâi xuige.

⁹Ore te re, ǃKhūtse, ti khākhoena xu, sa tawa ta ge ra sâusen.

¹⁰ǁKhāǁkhā te, î ta sa ǂâisa dī re, sats ge a ti Elo xuige. Sa Gagab hîa ǃgâiba ab tita ǂhau ǃhūb ai ǂgaeǂgui.

¹¹ǃKhūtse, ûi-ûi te re, sa ǀons ǃaroma; ǂgaeǂguiǂui re ti ǀomsa ǂōǂōsiba xu, sa ǂhanu-aisib ǃaroma.

¹²Î ǃgamǂui re ti khākhoena, sa ǀkhomxaǂgaosib ǃaroma, î hîkākā re ti mâǃoa-aon hoana, tita ge a sa ǃgā xuige.