Read Khoekhoegowab Psalmdi 146 Bible Online

Psalmdi 146 - Khoekhoegowab bible

Psalmdi 146

¹Haleluja! Ti ǀomse, koa re ǃKhūba.

²Tita ge ǃKhūba nî koa, ûi ta hâs kōse; tita ge ti Eloba nîra psalmǁnaeba, ganupe ta ûi hâ hîa.

³Tā gaosagu ai ǂgomaiǂnûi re, khoen ǀgôab ai, ǁîb tawa i ǃgâiǃō-i xare-e hâ tamaba.

⁴ǁÎb di ǀoms ga ǂoao, ob ra ǁkhawa ǃhūb ǃoa oa; ǁnā tsēs ǁkhās ai di ge ǁîb di ǀapede ra kā.

⁵ǃGâiǃō i ge ǁnā-i, Jakob di Eloba ǁî-i di huise ūhâ-e, ǃâubasens â-i ǃKhūb, ǁî-i di Elob ai hâ-e,

⁶ǀhommi tsî ǃhūbaib tsîkha ge kurub, hurib tsî ǁîgu ǃnâ hân hoana, ǀamosib kōse îǂhôase ra hâb;

⁷ǁgâiǀāhe ra-e ǂhanuba ra dībab, ǃâ hâ-e pere-e ra māba. ǃKhūb ge ǃkhōsana ra ǃnoraǃnora.

⁸ǃKhūb ge ǂgīn di mûde ra ǁkhowa-am, ǃKhūb ge ǃgamǃgâ hâna ra ūkhâi, ǃKhūb ge ǂhanu-aina a ǀnam.

⁹ǃKhūb ge ǃhaokhoena ra sâu, ǁîb ge ǃguniǀgôa-i tsî ǃoataras tsîna ra ǃkhōmâi, xawe eloxoresan di daobab ra hîkākā.

¹⁰ǃKhūb ge ǀamosib kōse nîra gaosîsen; Sionse, sa Elob ge ǃhaosa xu ǃhaos kōse ra hâ. Haleluja.