Read Khoekhoegowab Psalmdi 149 Bible Online

Psalmdi 149 - Khoekhoegowab bible

Psalmdi 149

¹Haleluja. ǁNaeba du re ǃKhūba ǀasa ǁnaetsana-e, ǁîb di koasa as ǀhaohâb ǁîb ǀkhomsaben dib ǃnâ hâ.

²Ab Israela ǃgâiaǂgao, Kuru-aob âb ǃnâ; an Sions ôana dâ ǁîn Gao-aob xa.

³An ǁîna ǀons âba koa ǂnā rase, an ǁîba psalmǁnaeba ǃkhomǃkharurus tsî harps tsîra ǀkha.

⁴ǃKhūb ge ǃgâiǃgâibasensa ūhâ ǁaes âb ǃnâ; ǁîb ge tsamtsiǃnâna ǃgâiǃōb ǀkha ra ani.

⁵An ǁîb di ǀkhomsabena dâb xa urikhâi ǃgôasib ǃnâ, an dâ ǁgoeǃkhaidi ân ai.

⁶Karedi Elob dide a di ǁîn di domgu ǃnâ hâ, tsî hoaǀkhāǀāgôa-e ǃomǁaeb ân ǃnâ,

⁷ǀkhaon nîse ǀūben ǃnâ, tsî ǁkharan nîse ǁaedi ǃnâ;

⁸ǁîn di gao-aogan nî ǃgaese ǁkhamgu ǀkha; tsî ǀgapiǃgôasagu âna ǂnūǀuriǃgae-ūdan ǀkha,

⁹xoamâihesa ǀgoraǃgâsan ǁîn ǂama nî dīse. Nēti ī ǂkhaisi-en ge ǀkhomsaben âba nîra ūhâ. Haleluja.