Read Khoekhoegowab Psalmdi 2 Bible Online

Psalmdi 2 - Khoekhoegowab bible

Psalmdi 2

¹Tare xū-i ǃaroman ra ǀūbena ǂkhupi, tsî tare xū-i ǃaroma di ǁaede ǁau xūna ra ǂâi?

²ǃHūbaib gao-aogu ge ra khâima, tsî gaosagu ge ǀhûpe ra ǀapeǀape ǃKhūb ǃoagu, tsî ǁîb di ǂkhauǀkhāsabeb ǃoagu, mî raǃâ:

³A ge ǁîkha di ǃgae-ūdana ǂgaeǃgao, î ge ǁîkha di tsuriga aoxū.

⁴ǀHommi ǃnâ ǁan hâb ge ra âi. ǃKhūb ge ǁîga ra ǃhō.

⁵ǃNubaib ge ǁîb di ǁaib ǃnâ ǁîgu ǀkha nî ǃhoa, tsî ǁgôasib âb ǃnâb ge ǁîga nîra ǃhuri kai.

⁶Xawe ta ge tita ti gao-aoba go ǂnûiǂgā, Sionni, ti ǃanusib di ǃhommi ai.

⁷Nē ǂnûiǂgās xa ta nî ǂhôa: ǃKhūb ge tita ǃoa ge mî: Sats ge a ti Ôa; nētsē ta ge go ôa tsi.

⁸ǂGan tita tawa, o ta ge ǁaede ǀumixūse nîra mā tsi, tsî ǃhūbaib di ǀamde sa xūse.

⁹Sats ge ǁîna ǂnūǀurigaohai-i ǀkha nîra ǂkhūǂkhū; sats ge ǁîna sūǂnubi-aob di ǂgoasū-i axase nîra khôaǂkhū.

¹⁰Nēsi ǁnâi, sago gao-aogo, ǁnâuǃāxase sîsen; ǂgōǀaukaisen, sago ǃhūbaib di ǂhanuǂhanu-aogo.

¹¹ǃKhūba ǃoaba ǃaoǃgâb ǀkha, î go dâ ǀkhūb ǀkha.

¹²ǀGôaba ǁoa îb tā ǁaixa, î go tā daob ai kāǁō, ǁîb di ǁaib ga ǃhaese khau ǃnubai. ǃGâiǃōn ge hoan, ǁîb ai ǂgomaiǂnûi hâna.