Read Khoekhoegowab Psalmdi 20 Bible Online

Psalmdi 20 - Khoekhoegowab bible

Psalmdi 20

¹ǁNaetsanas Davib dis, ǂam ǁnae-aobab ge dības. Ab ǃKhūba ǁnâu-am tsi ǂōǂōsib di tsēs ai; ǀons Jakob Elob disa as ǀgapi sâuǃkhai-i ǃnâ ǂnûi tsi!

²Ab huiba sîba tsi ǃanusiba xu îb Sionsa xu ǂkhâǃnâ tsi!

³Ab ǂâi sa ǂûǁguibadi hoadi xa, îb sa khauǁguibas xa ǃgâibahe. Sela.

⁴Ab sa ǂgaob ra tura xū-e mā tsi, îb sa ǀape-ain hoana dīǀoaǀoa!

⁵Sida ge nî dâ sa dans xa, tsî da ge ǃkhauga nî ūkhâi sida Elob di ǀons ǃnâ. Ab ǃKhūba sa turagu hoaga dīǀoaǀoa.

⁶O ta ge nēsi a ǂan, ǃKhūb ra ǁîb di ǂkhauǀkhāsabeba sâu ǃkhaisa; ǁîb ge ǁîb ǃanusib di ǀhomma xu nîra ǁnâu-am bi, ǀgaisa dīgu ǀkha, ǁîb amǀkhāb ǁôab di ores ǀkha.

⁷Naun ge kunidi tsî hān xa ra koasen, xawe da ge sada ǃKhūb, sada Elob di ǀons ǃnâ nî koasen.

⁸ǁÎn ge ǂkhabu tsî ge ǁnā, xawe sada ge khâi tsî ge mâhō.

⁹ǃKhūtse, sâu re gao-aoba, îts ǁnâu-am da, ǂgai da ga tsēs ai.