Read Khoekhoegowab Psalmdi 24 Bible Online

Psalmdi 24 - Khoekhoegowab bible

Psalmdi 24

¹ǁNaetsanas Davib dis. ǃHūbaib ge a ǃKhūb di, tsî ǁîb ǃnâ hân hoan, ǃhūbaib tsî ǁîb ai ǁan hân hoana;

²ǁîb ge ǁîba hurigu ai ge ǃgaoǃgao xui-ao, tsîb ge ǁîba ǃāgu ai ge ǁapoǁapo.

³Tari-e nî ǃKhūb di ǃhommi ai ǃapa? Tsî tari-e nî mâ ǁîb ǃanusib di ǃās ǃnâ?

⁴ǃAnu ǃomgu â-i-i, tsî ǃanu ǂgaob â-i-i, ǁî-i di ǀomsa ǂkhababǀî ǀhōǂui tama-i, tsî gāxaǃnâsise nū tama-i;

⁵ǁî-i ge ǀkhaeba nîra ǃkhōǃoa ǃKhūba xu, tsî ǂhanu-aisiba ǁî-i ǃgâiǃōsib di Eloba xu.

⁶Nēs ge ǃhaos ǁîba ra dîǃgonn dis, sa aisa ra ôan disa, Jakob di Elotse. Sela.

⁷Sago di danade khuikhâi, sa ǁāgo; î so khuikhâisen, sa ǀamo dao-amso, îb ǂkhaisib di Gao-aoba ǂgâ!

⁸Tariba kha ǂkhaisib di Gao-aoba? ǃKhūb, ǀgaisab tsî ǁkhāb, ǃKhūb, ǁē-aob torob ǃnâ.

⁹Sago di danade khuikhâi, sa ǁāgo; ā, khuikhâisen, sa ǀamo dao-amso, îb ǂkhaisib di Gao-aoba ǂgâ!

¹⁰Tariba kha ǂkhaisib di gao-aoba? ǃKhūb, ǂnubidi dib, ǁîb ge a ǂkhaisib di Gao-ao. Sela.