Read Khoekhoegowab Psalmdi 28 Bible Online

Psalmdi 28 - Khoekhoegowab bible

Psalmdi 28

¹ǁNaetsanas Davib dis. Sa ǃoa ta ra ǂgai, ǃKhūtse, ti ǃgareǀuitse; tā ǃnōxu te re, î ta tā ǃnōxu tets kao, ǁnān, āb ǃnâ ra ǁgôan ǀkha ǀguiti-ī re.

²Ti ǀkhomabasens di domma ǁnâu re, ǂgai ta ra ǃnubai, ti ǃomkha ta ra ǀhōǃapa ǃnubai ǃhoaǀîǃkhais sa ǃanusib dis ǃoa.

³Tā eloxoresan ǀkha tsububē te re, tsî tsūdī-aon ǀkha, ǁîn di ǀgūkhoen ǀkha ǂkhîb xa ra ǃhoan, ǂkhababan ǂgaob ân ǃnâ ra ǂâi hîa.

⁴ǁÎna mādawa-am re ǁîn dīgu ǃoa; ǁîn sîsengu di ǂkhabasib ǃoa, ǁîn ǃomgu di sîsenni ǃoa ǁîna mā re, ǁîn di mādawa-amsa ǁîn ai oa kai re.

⁵ǃKhūb di dīgu ain ǃgaoǃgâ tama tsî ǃomkha âb di sîsenni ai amagab ge ǁîba ǁîna nîra hîkākā tsî ǁîna omkhâi tide.

⁶Ab ǃKhūba karehe, ti ǀkhomabasens di dommab go ǁnâu amaga.

⁷ǃKhūb ge a ti ǀgai tsî ti khōsikhō; ǁîb aib ge ti ǂgaoba go ǂgomaiǂnûi, tsî ta ge go huihe; ǁnās xab ge ti ǂgaoba ra dâ, tsî ta ge ti ǁnaetsanas ǀkha nî kare bi.

⁸ǃKhūb ge ǁîna ǀgaib ase ība, tsî ǁîb ǂkhauǀkhāsabeb di ǀgaisa ore-aob ge a ǁî.

⁹Sa ǁaesa ore re; î ǀkhae re sa ǀumisa, î ǁîna ǃûi-aose ība re, î ǁîna tani re ǀamos kōse.