Read Khoekhoegowab Psalmdi 29 Bible Online

Psalmdi 29 - Khoekhoegowab bible

Psalmdi 29

¹ǁNaetsanas Davib dis. ǃKhūba mā re, sadu Elob ôado, ǃKhūba mā re ǂkhaisib tsî ǀgaib tsîkha.

²ǃKhūba mā re ǀons âb di ǂkhaisiba; ǃKhūba ǀgoreǀî re ǃanusib âb hoab ǃnâ.

³ǃKhūb di dommi ge ǁgamgu ai hâ; Elob ǂkhaisib dib ge ra ǃguru; ǃKhūb ge kai ǁgamgu ai hâ.

⁴ǃKhūb di dommi ge a ǀgaisa; ǃKhūb di dommi ge ǂkhaisib xa ǀoa hâ.

⁵ǃKhūb di dommi ge sederhaide ra khôa; ǃKhūb ge Libanonni di sederhaide ra khôaǂkhū.

⁶Tsîb ge ǁîde tsâu-i khami ra uri kai, Libanonni tsî Sirionni tsîkha, ǂkham goma-i khami.

⁷ǃKhūb di dommi ge ǀaes ǁhabuga ra hā kai.

⁸ǃKhūb di dommi ge ǃgaroǃhūba ra ǀkhū kai; ǃKhūb ge ǃgaroǃhūb Kades diba ra ǀkhū kai.

⁹ǃKhūb di dommi ge ǁkhamade ra ǁora kai tsî ǀgom, haixa ǃkhaide ra ǃgora kai. Tsî tempeli âb ǃnâ i ge mâ-i hoa-e: Ab ǃgôasiba ūhâ, ti ra mî.

¹⁰ǃKhūb ge kai ǁgammi ǀgapise ge ǂnôa i; ā, ǃKhūb ge gao-aose ǂnôa ǀamosib kōse.

¹¹ǃKhūb ge ǁîb di ǁaesa ǀgaiba nîra mā; ǃKhūb ge ǁîb di ǁaesa ǂkhîb ǀkha nîra ǀkhae.