Read Khoekhoegowab Psalmdi 3 Bible Online

Psalmdi 3 - Khoekhoegowab bible

Psalmdi 3

¹ǁNaetsanas Davib dis, ǁîb ôab Absalomma xub gere ǃhū ǃnubai. ǃKhūtse, matikōsen ti khākhoena a ǂgui! ǂGuin ge ti ǃoagu ra khâi.

²ǂGuin ge tita xa ra mî: ǁÎb ge hui-i xare-e Elob tawa ūhâ tama hâ. Sela.

³Xawe sats ǃKhūts ge khōsikhōse ība te, ti ǃgôasits tsî ti danasa ra ǂkhâkhâits ge satsa.

⁴Tita ge ǃgari dommi ǀkha ǃKhūb ǃoa go ǂgai, ob ge tita go ǁnâu-am ǁîb di ǃanu ǃhomma xu. Sela.

⁵ǁGoe tsî ta ge go ǁom; tita ge go ǂkhai, ǃKhūb go mâǃgâ te amaga.

⁶Tita ge ǃao tama hâ disiǀoadisi khoen, ti ǃoagun nî khâise mâǂgā te hân xa.

⁷Khâimâ re, ǃKhūtse! Ore te re, ti Elotse! Sats ge ti khākhoen hoana ǃnanib ai go ǂnau xuige; eloxoresan di ǁgûgats ge satsa go khôaǂkhū.

⁸ǃGâiǃōb ge ǃKhūb di. Ab sa ǀkhaeba sa ǁaes ǂama hâ. Sela.