Read Khoekhoegowab Psalmdi 30 Bible Online

Psalmdi 30 - Khoekhoegowab bible

Psalmdi 30

¹ǁNaetsanas Davib dis, tempelommi ra khaihe tsēs dis. Tita ge satsa nîra ǀgapiǀgapi ǃKhūtse, titats go ǂgaekhâi tsî ti khākhoenats go ti ǂama ǃgâiaǂgao kai tama i xui-ao.

²ǃKhūtse, ti Elotse, sa ǃoa ta goro ǂgai, tsîts ge go ǂgauǂgau te.

³ǃKhūtse, sats ge ti ǀomsa ǀhobasa xu go ǂgaeǂguiǂui; sats ge tita go ûi-ûi, āb ǃnâ ra ǁgôana xu.

⁴ǃKhūba psalmǁnaeba re, sadu ǁîb di ǃanudo; î du ǁîb di ǃanu ǀonsa kare.

⁵ǀGui mûsǀapirob ǀguib kōseb ge ǁaib âba ra hâ, xawe ǀkhomxasib âb ge ûits hâs kōse ra hâ; ǃuis aib ge āba ra hâ, xawe ǁgoas aib ge dâba hâ.

⁶Tita ge ti ǃgâiǃgâb ǃnâ: Tita ge ǁnope tide ǀamosib kōse, ti ge mî.

⁷Sats ǃKhūts ge sa ǀkhomxasiba xu ti ǃhomma ge ǀgaiǀgai; tsî ais âtsats ge gaugau, o ta ge ge ǃhuri.

⁸Sa ǃoa ta ge ge ǂgai, ǃKhūtse; tsî ta ge ǃKhūba ge ǀkhomabasen:

⁹Tare-eb nî harebeba tsi ti ǀaoba, āb ǃnâ ta ga ǁgôao? Tsaraba kare tsib nî? Sa amaba kha ǁnâi ǂhôab nî?

¹⁰ǁNâu re ǃKhūtse, î ǀkhomxa te re; ǃKhūtse, hui-aose ība te re.

¹¹Sats ge ti ǃgaesa dâb ǃnâ go ǀkharaǀkhara; sats ge ti ǃoab saraba go xore tsîts ge ǃgâiaǂgaob ǀkha go ǃgaeǂnamipe te,

¹²ti ǀoms nî satsa psalmǁnaebase, tsîs ǃnō tidese. ǃKhūtse, ti Elotse, ǀamosib kōse ta nîra kare tsi.