Read Khoekhoegowab Psalmdi 32 Bible Online

Psalmdi 32 - Khoekhoegowab bible

Psalmdi 32

¹ǁNaetsanaǂans Davib dis. ǃGâiǃō i ge hâ ǁnā-i, ǁî-i ǃûǂamsa ǀûbahe hâ-e, ǁî-i ǁoreba ǃgū-aibahe hâ-e.

²ǃGâiǃō i ge hâ ǁnā khoe-i, ǃKhūb ǂhanuoǃnâsiba ǃgôaba tama-e, tsî gagas â-i ǃnâ gāxaǃnâsi-i xare-e ūhâ tama-e.

³ǃNō ta ge ǃnubai gu ge ti ǂkhōga ge kaira, ǃgō ta geo hoaraga tsēsa.

⁴Sa ǃommi ge tsēa tsî tsuxuba ǃgomse ti ai ge hâ i; ti ǀgaib ge ge ǂnâ ǁkhunab ǀgammi ǃnâs khami. Sela.

⁵Ti ǁoreba ta ge ge ǂanǂan tsi, tsî ti ǂhanuoǃnâsiba ta ge ǃgū-ai tama ge hâ i. Tita ge: ǃKhūb ai ta ti ǃûǂamde nî ǁguiǁnā, ti ge mî. ǃNubaits ge satsa ti ǁoreb di ǂhanuoǃnâsiba ge ǀûba te. Sela.

⁶ǁNā-amaga a-i mâ ǃanu-i hoa-e satsa i a hō ǁkhā ǁaeb ai ǀgoreǀî; ā, kai ǁgamgu ga dâu xawe gu ge ǁî-e tsâǀkhā tide.

⁷Sats ge a ti sâuǃkhai; sats ge tita ǂōǂōsiba xu nî sâu, sats ge dâxasib ores dib ǀkha nî ǃnamiǂgā te. Sela.

⁸Tita ge nî ǁgau tsî nî ǁkhāǁkhā tsi ǁnā daob, ǁîb aits nî ǃgûb xa; tita ge nî ǀapemā tsi, ti mûs ge sa ai nî hâ.

⁹Tā hān tsî ǃgoren khami ī re, ǁnâuǃā-e ūhâ taman, ǁînats ra tommi tsî ǃkhōǀgara-ūdana ǂgā-amǃnân khami, sa tawan sī ǂgao tamao.

¹⁰Eloxoresa-i ge ǂgui tsû-aina ūhâ, xawe ǃKhūb ai ra mûmâinǃgâ-i, ǁnā-i ge ǃgâixasib ǀkha ra ǃnamiǂgāhe.

¹¹ǃGâiaǂgao re ǃKhūb ǃnâ, î du dâ re, ǂhanu-aido; î du dâxase ǁnae re, ǂhauǃnâ ǂgaoba ūhâ du hoado!