Read Khoekhoegowab Psalmdi 36 Bible Online

Psalmdi 36 - Khoekhoegowab bible

Psalmdi 36

¹ǁNaetsanas Davib, ǃKhūb ǃgāb dis, ǂam ǁnae-aobab ge dības. Eloxoresasib di ǃûǂams ge ti ǂgaob di ǃnāb ǃnâ ra mî: Eloǃaoǃgâxasi-i xare-i ge ǁîb mûǁae hâ tama hâ.

²ǁÎ-aitsamab ra hînasen ǁîb di mûdi ǃnâ, ǁoreb âb ga khoen xa hōheo, ǁkhansa aba.

³Mîdi ams âb didi ge a ǂhanuoǃnâ tsî a gāxaǃnâ; ob ra ǀû ǁnâuǃāxase sîsensa, ǃgâiba dīsa.

⁴ǁÎb di kharob aib ǂkhabab xa ra ǂâiǂâisen; ǃgâi tama daob aib ra mâisen, ǂkhababab ǂhara tama hâ.

⁵ǃKhūtse, sa ǃgâixasib ge ǀhomgu kōse ra sī, sa amab ǀgapise hâ ǃâudi kōse.

⁶Sa ǂhanu-aisib ge Elob ǃhomgu khami ī, sa ǀgoraǃgâdi ge kai ǁgammi dâudi khami ī. ǃKhūtse, sats ge khoen tsî xamanin tsîna ra sâu.

⁷Matikōseb a ǃgomǀgausa sa ǃgâixasiba, ti Elotse! ǁNā-amagan ra khoen ôana sa ǁgabogu di sommi ǃnaga sâusen.

⁸ǁÎn ra khoakhoasen sa ommi di kausa xūn xa; tsîts ra ǁîna sa ǃgâiǃgâisendi di ǃārob ǃnâ āsi.

⁹Sa tawas ge ûib di ǀausa hâ xui-ao; sa ǃnâb ǃnâ da ge ǃnâba ra mû.

¹⁰Sa ǃgâixasiba satsa ǂan hân ǂama hâ kai re, tsî sa ǂhanu-aisiba ǂhauǃnâ ǂgaob â-in ǂama.

¹¹As ǂais ǃguriǂgaoxan disa tā ti ai hā re, îb eloxoresan di ǃomma tā ǁhapuma kai te re.

¹²ǁNāpan ra ǂhanuoǃnâsiba ra dī khoena ǁnā, ǁîn ge ge ǂhāǁguihe, ǁkhawan a khâi ǁoas kōse.