Read Khoekhoegowab Psalmdi 4 Bible Online

Psalmdi 4 - Khoekhoegowab bible

Psalmdi 4

¹ǁNaetsanas Davib dis, ǂam ǁnae-aobab ge dības Neginots ǃoa. ǂGai ta ra ǃnubai ǁnâu-am te re, ti ǂhanu-aisib di Elotse. ǂŌ ǃkhai-i ǃnâts ge satsa hara ǃkhai-e go dība te; ǀkhomxa te re, î ti ǀgoresa ǁnâu re.

²Sago aogo, matikōseb nî ti ǃgôasiba tao kaihe? Matikōse go ǁausiba ǀnam tsî ǂhumiga nî ǀnam? Sela.

³ǂAn toxoba re, ǃKhūb ǁîb di ǀnamsabeba ǃkhōǂuibasen hâ ǃkhaisa; ǃKhūb ge nî ǁnâu, ǁîb ǃoa ta ga ǂgaio.

⁴ǀKhū î du tā ǁore; mî ǁîsa sadu di ǂgaob ǃnâ, ǁgoeǃkhais âdu ai, î du ǃnō. Sela.

⁵ǁGuiba ǂhanu-aisib di ǁguibade, î du ǃKhūb ai ǂgomaiǂnûi.

⁶ǂGuin ge: Tari-e nî ǃgâina mû kai da? ti ra mî. Sida ǂamai sa ais di ǃnâba ūkhâi, ǃKhūtse.

⁷Sats ge ǃnāsa ǃgâiaǂgaoba ti ǂgaob ǃnâ go mā, ǁnā ǁaeb, ǁîb aikha ge ǁîn di ǃhorob tsî ǂkhon ǂauxûib tsîkha ra ǂguiǂguisenni ǃgâ-ai.

⁸ǂKhîb ǃnâ ta ge ǁgoe tsî nî ǁom, sats ǃKhūts ǀguits ra ǂkhîb ǃnâ ǁan kai te amaga.