Read Khoekhoegowab Psalmdi 46 Bible Online

Psalmdi 46 - Khoekhoegowab bible

Psalmdi 46

¹ǁNaetsanas Koraxi ôagu dis, ǂam ǁnae-aob ge dībahes, Alamots ǃoa. Elob ge a sida ǁhaiǁhâǃkhai tsî a sida ǀgai, ǁîb ge kaise ǀgaisa hui-aose ǂansa ǂōǂōsigu ǃnâ.

²ǁNā-amaga da ge ǃao tide, ǃhūbaib ga ǀkharaǀkharasen xawe, tsî ǃhomgu ga hurigu di ǂgaob ǃnâ ǂnûiǃkhunihe xawe;

³a gu ǁîgu di ǁgamga ǀō, a gu gongonǃnâhe; a gu ǃhomga ǀkhū, ǁîb ǁgamgu di khâis xa. Sela.

⁴Dâu ra ǁgamgu ǃārob digu ge Elob ǃāsa ra ǃgâiaǂgao kai, ǃanu ǁanǃkhaidi Hoan xa ǀGapib dide.

⁵Elob ge ǁîs di ǁaegub ǃnâ hâ, ǁnā-amagas ge ǁnope tide; Elob ge ǁîsa ǃnauǁgoaga nîra hui.

⁶ǁAedi ra ǂkhupi, gaosigu ra ǁnopeǁnopehe. ǁÎb ra ǁîb di domma ūkhâio, ob ra ǃhūbaiba tsuni.

⁷ǃKhūb ǂnubidi dib ge sida ǀkha hâ; Jakob di Elob ge a sida di ǁaposa hâǃkhai. Sela.

⁸Hā î du ǃKhūb di dīga ǃgapaǀî, ǃhūbaib ai hîǀhurusa ra dib,

⁹toroga ra ǀû kaibas ǃhūbaib di ǀams kōse; khāsa ra khôaǂkhūb tsî gôaba ra ǂnauǃāb, kunide ǀaes ǀkha ra khauǃkhūba.

¹⁰ǀÛ î du ǂan re, tita a Elo ǃkhaisa; tita ge ǁaedi ǃnâ nîra kaikaihe, tita ge ǃhūbaib ai nîra kaikaihe.

¹¹ǃKhūb ǂnubidi dib ge sida ǀkha hâ; Jakob di Elob ge a sida di ǁaposa hâǃkhai. Sela.