Read Khoekhoegowab Psalmdi 47 Bible Online

Psalmdi 47 - Khoekhoegowab bible

Psalmdi 47

¹ǁNaetsanas Koraxi ôagu dis, ǂam ǁnae-aob ge dībahes. ǁAm re ǃomgu ǀkha, ǁaeso hoaso; Eloba dâba re ǃgâiaǂgaob amdi ǀkha.

²ǃKhūb, Hoan xa ǀGapib a ǃaoǃaosa xuige, kai Gao-aob ge a ǁî ǃhūbaib hoaragab ai!

³ǁÎb ge khoena sida ǃnaga di nî hâse ra dī, tsî ǁaede sida di ǂaidi ǃnâ ra ǃgamǃgam.

⁴ǁÎb ge sida di ǀumisa ra ǁhûiǂuiba da, Jakob di ǂkhaisib, ǁîb ǀnam hâba. Sela.

⁵Elob ge dâb ǀkha ra ǃapa, ǃKhūba, xâiǁnâb di ǀōb ǀkha.

⁶Eloba psalmǁnaeba re, psalmǁnaeba re sida Gao-aoba, psalmǁnaeba re.

⁷ Elob ge a ǃhūbaib hoab di gao-ao xuige; am-e ǁnaeba bi re, psalmǁnaeba bi re.

⁸Elob ge ǃhaodi ǂama ra gaosîsen; Elob ge ǁîb di ǃanu trons ai ǂnôa.

⁹ǁAedi di gaosagu ge ǀhao hâ, ǁaes Abrahammi Elob disa, khōsikhōgu ǃhūbaib digu ge a Elob di xui-ao. ǁÎb ge kaise a kai.