Read Khoekhoegowab Psalmdi 5 Bible Online

Psalmdi 5 - Khoekhoegowab bible

Psalmdi 5

¹ǁNaetsanas Davib dis, ǂam ǁnae-aobab ge dības ǂnunigu ǀkha. Ti mîde sa ǂgaes ǃnâ ǂgâ kai re, ǃKhūtse, ti ǀhâimâinǀomsa ǁnâu re!

²Ti ǂgais di domma ǃgaoǃgâ, ti gao-ao tsî ti Elotse, sats ǃoa ta ra ǀgore xuige.

³ǃKhūtse, ǁgoas aits ge satsa ti domma nî ǁnâu; ǃnauǁgoaga ta ge sa ǃoa ǂnan tsî nî ǃâubasen.

⁴Sats ge eloxoresasib ǃnâ ǃgâiaǂgao-e ūhâ Elo tamatsa xui-ao; ǂkhabab ge sa tawa ǁan tide.

⁵ǃGuriǂgaoxan ge sa mûdi aiǃâ a mâ ǁoa; sats ge ǂhanuoǃnâsib di sîsenaon hoana ǁkhan hâ.

⁶Sats ge ǂhumiba ra ǃhoana ra hîkākā; ǀaob tsî gāxaǃnâsib di khoebab ge ǃKhūba ra ǃharaxū.

⁷Xawe ta ge tita sa ǀkhomxaǂgaosib di kaisiba xu sa ommi ǃnâ nîra ǂgâ; ǃhonǁgoa ta ge nî sa ǃanusib ti tempeli aiǃâ sa ǃaoǃgâb ǃnâ.

⁸ǃKhūtse, ǂgaeǂgui te re sa ǂhanu-aisib ǃnâ ti khākhoen ǃaroma; sa daoba dī-unuba te re ti ais aiǃâ.

⁹ǁÎn di ams ǃnâ ǂhanu-ai-i xare-i hâ tama xuige; ǁîn ǃnāb din ge ǀguise a ǂkhaba. ǁÎn di dommi ge a ǁkhowa-amsa ǀhoba; ǁîn di nams ǀkhan ra dīna.

¹⁰ǀHapixase ǁîna ūhâ re, ti Elotse! An ǁnā ǁîn di ǀapeǀape-aidi ǀkha. ǁÎn ǃûǂamdi di ǂguib ǃaroma ǁîna ǂhābē, sa ǃoagun ra khâima xuige.

¹¹Xawen ge nîra ǃgâiaǂgao, hoan sa ai ǂgomaiǂnûi hâna; ǀamosib kōsen ge nîra dâ, sats ra ǁîna ǃgū-ai amaga. Tsîn ge sa ǃnâ ǃgâiaǂgaob xa nîra urikhâi sa ǀonsa ǀnam hâna.

¹²Sats ǃKhūts ge ǂhanu-aiba nîra ǀkhae xui-ao; sats ge ǁîba ǀkhomxasib ǀkha nîra ǀgapa khōsikhōb ǀkhas axase.