Read Khoekhoegowab Psalmdi 53 Bible Online

Psalmdi 53 - Khoekhoegowab bible

Psalmdi 53

¹ǁNaetsanaǂans Davib dis, ǂam ǁnae-aobab ge dības Mahalas ǃoa. Gâre khoeb ra ǂgaob âb ǃnâ mî: Elo-i kom hâ tamao. ǁÎn ge ra ǁgaoǁgao, tsîn ge kaise ǁgaisise ra sîsen ǂkhabasib ân ǃnâ; ǃgâidī ra-i xare-i ge a ǀkhai.

²Elob ge ǀhomma xu khoen ôan ai ge kōǁgôa, mûb nîga, īse i ǁnâuǃāxa khoe-e hâsa, Eloba ra ôa-e.

³Mâ-i hoa-i ân ge ge oa, ǀhûpen ge ǁgao hâ; khoe-i ǃgâidī ra-i xare-i ge a ǀkhai, ǀgui-i xawe i a ǀkhai.

⁴ǂAn-i xare-en kha ūhâ tama hâ, ǂhanuoǃnâsiba ra sîsen khoen, ti ǁaesa ra hapuna, pereban ra hapu khami, tsî Eloba ǂgaiǀî tama hâna?

⁵ǁNāpan ge kaise ge ǃhuri kaihe, ǃhuriǃkhai-i a ǀkhai hîa; Elob ge ǂkhōgu ǁnāb, satsa ge xāǂgāb diga ǀgaruǀgaru xui-ao; sats ge ǁîna ge taotao, Elob ge ǁîna aoxū amaga.

⁶Ae, îs ga Israeli di oresa ǀkhī Sionsa xu! Elob ga ǃkhōsan ǁîb ǁaes dina oa kai ǃnubaib ge Jakoba nîra dâ, Israeli ge nîra ǃgâiaǂgao!