Read Khoekhoegowab Psalmdi 57 Bible Online

Psalmdi 57 - Khoekhoegowab bible

Psalmdi 57

¹ǁNaetsanas Davib dis, ǂam ǁnae-aobab ge dības Altasets ǃoa, Sauli di ais aiǃâb ge ǁhoab ǃnâ ǁhâǂgâ ǃnubai. ǀKhomxa te re, ti Elotse, ǀkhomxa te re, ti ǀoms sa ai ra ǂgomaiǂnûi xuige, tsî ta ge sa ǁgabogu di sommi ǃnâ ra ǁhâǂgâ, hîkākās nî ǃgôa-īs kōse.

²Elob ǃoa ta ra ǂgai, Hoan xa ǀGapib ǃoa, ǁnā Elob, ti tawa ǁîsa ra dīǀoaǀoab ǃoa.

³ǁÎb ge ǀhomma xu sî tsî nîra ore te, tsîb ge nîra tao kai ǁnā-i, tita ra dāǂkhū ǂgao-i hoa-e. Sela. Elob ge ǁîb di ǀkhomxaǂgaosib tsî ǁîb di amab tsîkha nîra sî.

⁴Tita ge xamgu ǁaegu ǁgoe, ǀkhaoǂgaoxagu ǁaegu, khoen ôan, ǁgûgu ân gôase tsî ǂāse īn, tsî nams ân ǀā gôase īna.

⁵Khâi re ǀgapise ǀhommi ǃnâ, ti Elotse; ab sa ǃgôasiba ǃhūbaib hoab ai hâ re.

⁶ǁNoa-en ge ti ǃgûdaogu ai ge ǃā, ti ǀoms ge ǃgamǃgâ ge hâ i. ǁÎn ge ti aiǃâ tsau-e ge khao, tsîn ge ǁî-i ǃnâ ge ǁnāǂgâ. Sela.

⁷Ti ǂgaob ge ǂhomisen hâ, ti Elotse, ti ǂgaob ge ǂhomisen hâ; ǁnae tsî ta ra psalmǁnae ǂgao.

⁸ǂKhai re, ti ǃgôasitse! ǂKhai re, ǀkhōxūs tsî harps tsîro. ǃNauǁgoagasa ta ge ra ǃnoaǂkhai kai ǂgao.

⁹Koa tsi ta nî ǁaedi ǃnâ, ǃKhūtse, khoen ǃnâ ta nî psalmǁnaeba tsi.

¹⁰Sa ǀkhomxaǂgaosib ge ǀhommi kōse a kai xui-ao; tsî sa ǂgomǂgomsasiba ǀgapise hâ ǃâudi kōse.

¹¹Khâi re, ǀgapise ǀhommi ǃnâ, ti Elotse; ab sa ǃgôasiba ǃhūbaib hoab ai hâ re.