Read Khoekhoegowab Psalmdi 58 Bible Online

Psalmdi 58 - Khoekhoegowab bible

Psalmdi 58

¹ǁNaetsanas Davib dis: Tā hîǀhuru ti hâ ǀōb ǃoa, ǂam ǁnae-aobab ge dības. Amase go kha ǂhanu-aisiba ra ǃhoa, sago elogo? ǂHauǃnâse go kha khoen ôana ra ǀgoraǃgâ?

²Hî-î, sago ge ǂkhabasiga ra dī sago di ǂgaogu ǃnâ, sago ge sago ǃomgu ǀkha ǂkhababa ra ǀgoraǂui ǃhūbaib ai.

³Eloxoresan ge ra ǁnāǁgôa ǃnaes âna xu; ǂhumi-aon ge ra ǁhapuma ǁgûs di ǃnāba xu.

⁴ǁÎn ge ǃgā-e ūhâ, ǁaixa ǀaob di ǃgā-i axase, ǂganǂgae ǃgae-i khamin ī, ǁî-i di ǂgaede ra ǂganam-i,

⁵ǁnâu i tidega ǃgaidī-aob di domma, ǁnāb, ǃgâise ra nūǀkhā ǁkhāb diba.

⁶Ti Elotse, khôaǂkhūǂkhū re ǁîn di ǁgûga ams ân ǃnâ, khôakākā re ǂkham xamgu di ǃnaniǁgûga, ǃKhūtse.

⁷An bē re ǁgam-i hîa ra dâubē i khami; ǁîb ga ǂāga ǁkhâuo, a gu ǂubu xū-i axase ī re.

⁸Ab kā re, tsuni ra ǁkhâxaes khami; an ǁaeb aiǃâ ǃnae hâ-i khami soresa tā mû re.

⁹Sadu di sūdi ganupe ǁkhūhaisa hōǃâ tama hîab ge ǁîba ora ǁgan-i kao, khau ra ǀaes karao nîra ǃgombē.

¹⁰ǂHanu-aib ge nîra ǃgâiaǂgao, ǀkhaobab ra ǃgapaǀîo, ǁîb di ǂairab ge eloxoresan di ǀaob ǃnâ nîra ǁā.

¹¹On ge khoena nîra mî: ǂHanu-aib kom mādawa-e ūhâo; Elob, ǃhūbaib ai ra ǀgoraǃgâb kom hâo, ti.