Read Khoekhoegowab Psalmdi 59 Bible Online

Psalmdi 59 - Khoekhoegowab bible

Psalmdi 59

¹ǁNaetsanas Davib dis: Tā hîǀhuru, ti hâ ǀōb ǃoa, ǂam ǁnae-aobab ge dības, Sauli ge sî ǃnubai, Davib di omma ǃkhē tsî gu nî ǃgam bise. Ore te re ti khākhoena xu, ti Elotse; sâu te re ǁnān, ti ǃoagu ra khâimana xu.

²Ore te re ǂkhabadī-aona xu, î ore te re ǀaob di aoga xu.

³Mû, ǁîn ge tita ǁgoe ra ǃkhē, ǀgaisan ge ti ǃoagu ra ǀhaoǀhaosen, ti ǃûǂams ose, tsî ti ǁoreb ose, ǃKhūtse.

⁴Ti dīsās osen ra ǃkhoe tsî ra ǂhomisen, ǃnoaǂkhai, î ǃoa te re, î kō re.

⁵Ā, sats ǃKhūts, ǂnubidi di Elots, Israeli di Elotse, ǃnoaǂkhai î ôaǃnâ re nē ǁaedi hoade; ǁnān, ǂgomoǃnâse ǂkhababa ra dīn di ǀgui-i xare-e tā ǀkhomxa re. Sela.

⁶ǃUian ge ǁîna ǁkhawa ra oahā, ari-i khami ra āsen ge ǃāsa ra ǃgûǃnâma.

⁷Mû, ǁîn ge ams ân ǀkha ra mîǁgaiǁgai, gôagu ge ǁîn di amǁgaugu ai hâ; tari-e kha nî ǁnâu?

⁸Xawe sats ǃKhūts ge ǁîna ra âiǂui; sats ge ǁaedi hoade nîra ǃhō.

⁹Ti ǀgaitse, sats xa ta nîra ǁnae; Elob ge a ti ǁhaiǁhâǃkhai xui-ao.

¹⁰Ti Elob ge ǀkhomxaǂgaosib âb ǀkha nîra ǃnâǃkhoe te; Elob ge ti khākhoen ai nîra kō kai te.

¹¹Tā ǁîna ǃgam re, îs ti ǁaesa tā ǀuru. An ǁhapuma re sa ǀgaiba xu, î ǁîna aoǁgui re, ǃKhūtse, sida khōsikhōtse,

¹²ǁîn ams di ǁoreb, tsî ǁîn amǁgaugu di mîs ǃaroma; în ǃkhōhe re ǃgurib ân ǃnâ, tsî ǀâxareb tsî ǂhumib, ǁîn ra ǃhoab ǃaroma.

¹³ǁÎna hîkākā re sa ǁgôasib ǃnâ, ǁîna hîkākā re, în ǀkhai, în ǂan, Elob ge a gaosa ǃkhaisa Jakob ǃnâ, ā, ǃhūbaib di ǀkhâuǀamdi kōse. Sela.

¹⁴ǃUiǁaeb ain ra oahā, tsî ari-i khami ra āse ǃāsa ra ǃgûǃnâma.

¹⁵ǂÛn ǃaroman ra ǃgûma tsî ǁnāti hâǂkhai, ǁâ taman hâ xui-ao.

¹⁶Xawe tita ge sa ǀgaib xa ra ǁnae ǂgao, tsî ǃnauǁgoaga ta ge sa ǀkhomxaǂgaosib xa dâxase ra koaǁnae ǂgao; ǁaposa hâǃkhaisets go ība te xui-ao, ǁhaiǁhâǃkhaise ǂōǂōsib di tsēs ai.

¹⁷Sats ti ǀgaits xa ta ge ra psalmǁnae ǂgao; Elob ge a ti ǁaposa hâǃkhai tsî ti ǀkhomxaǃnâ Elo xui-ao.