Read Khoekhoegowab Psalmdi 6 Bible Online

Psalmdi 6 - Khoekhoegowab bible

Psalmdi 6

¹ǁNaetsanas Davib dis, ǂam ǁnae-aobab ge dības, Neginots ǃoa, Seminits ǃoa. Ti ǃKhūtse, tā ǀham te re sa ǁaixasib ǃnâ, î tā ǁkhara te re sa ǁgôasib ǃnâ.

²ǀKhomxa te re ǃKhūtse, ǂkhabu ta go xuige; ǂuruǂuru te re ǃKhūtse, ti ǂkhōgu go ǃhuri xuige.

³Ā, ti ǀoms ge kaise go ǃhuri, tsî sats ǃKhūtse, matikō ǂomxase?

⁴Oa hā re ǃKhūtse, î ti ǀomsa ore re; hui te re sa ǀkhomxaǂgaosib ǃaroma.

⁵ǁŌb ǃnân ge khoena sats xa ǂâi tama hâ. Tari-e ǁō hân hâǃkhaib ǃnâ satsa nî kare?

⁶ǀHupu ta hâ ti ǀhâimâinǀoms xa; tsuxub hoaba ta ge ti kharoba ra ǀâǀâ, ǁgoe-ai ta hâ xūba ta ti ǁgamron ǀkha ra ǀâǀâǃganu.

⁷Ti mûs ge ǃoab xa go ǃkhae; ti mâǃoasaben ǃaromas ge go kaira.

⁸ǂGōxū te, sadu ǂkhabadī-aodu hoado, ǃKhūb ge ā ta ra ās di domma go ǁnâu xuige.

⁹ǃKhūb ge ti ǀkhomabasensa go ǁnâu; ǃKhūb ge ti ǀgoresa ra ǃkhōǃoa.

¹⁰Ti khākhoen hoan ge kaise nîra taotaohe tsî nîra ǃhuri; oa tsîn ge ǃhaese nîra tao kaihe.