Read Khoekhoegowab Psalmdi 60 Bible Online

Psalmdi 60 - Khoekhoegowab bible

Psalmdi 60

¹ǁNaetsanas Davib dis ǂam ǁnae-aobab ge dības Susan Eduts ǃoa, ǂnoagub ge ǃnubai Siriaǁîn Mesopotamiab din ǀkha, tsî Siriaǁîn Sobas din ǀkha; tsî Joab ge ǁkhawa hāo tsî Edomǁînab ge ǂnauo, ǂŌbǃgoaǃnāb ǃnâ, disiǀgamǀaǀoadisi aoga. Elotse, sats ge sida ǂhāxu tsî ge ǀkhauǃā, sats ge ǁaixa ge hâ i, ǂgauǂgau da ǁkhawa re.

²Sats ge ǃhūba ge ǂgubi kai, sats ge ǁîba ge ǂariǃā kai; ǂgauǂgau re ǁîb di ǂkhôaga, ǁîb ra ǁnope xuige.

³Sats ge sa ǁaes a karosa ǃkhaisa ge mû kai; sats ge somge-ai kai ra ǂauxûiba ge āsi da.

⁴Xawets ge nēsi ǁnān satsa ra ǃaoǃgâna ǃkhau-e ge mā, ǁhân nîse khāsa xu. Sela.

⁵Sa ǀnamsaben nîra ǃnoraǃnorahese, ore da re sa amǀkhāb ǁôab ǀkha, î ǁnâu-am da re.

⁶Elob ge ge ǃhoa ǃanusib âb ǃnâ: ǁÎ ǃkhais ǃaroma ta ge nî dâ. Tita ge Sexemsa nîra ǀgora tsî ta ge Sukots di ǃgoaǃnāba nîra ǀnōtoa.

⁷Gileadi ge a ti, tsî tib ge Manaseba; tsî Efraimmi ge a ti danas di ǀgai, Judab ge ti gaohaiba.

⁸Moab ge ti ǁāǃnâǃoreba, Edommi ai ta ge ti ǁharosa nîra aoǁgui; Filistiab ǂama ta ra dâ.

⁹Tari-e tita ǁaposa ǃāsa ǃoa nî ūsī? Tari-e Edommi kōse nî ǂgaeǂgui te-e?

¹⁰Satsa kha ǁî tamatsa, Elotse, sida ge ǂhāxu hâ îts, tsî sida toroǂnubidi ǀkha ǃgûǂoa tamatsa Elotse?

¹¹Satsa huiǂui da re sida di khākhoeba xu, khoeb di huis ge xū tama hâ xuige.

¹²Elob ǃnâ da ge ǀgaisa dīga nîra dī, tsî ǁîb ge sida mâǃoasabena nîra dāǂkhūǂkhū.