Read Khoekhoegowab Psalmdi 64 Bible Online

Psalmdi 64 - Khoekhoegowab bible

Psalmdi 64

¹ǁNaetsanas Davib dis, ǂam ǁnae-aobab ge dības. ǁNâu re, Elotse, ti domma ti ǂhâsib ǃnâ; ti ûiba sâu re khākhoeb di ǃhuriba xu.

²Gaugau te re ǂkhabadī-aon di ǂganǃgâsa ǂâibasensa xu, ǂhanuoǃnân di ǂkhupiba xu,

³ǁîn di namsa gôa-i axase ra ǀāǀān, au mîs âna ǂā-i axase ra ǂgaeǃnân,

⁴ǂganǃgâsa ǃkhaidi ǃnân nî ǂhauǃnâba ǁkhâuga; ǃhaesen ra ǁkhâu bi, ǃao tama i tsî.

⁵ǁÎ-aitsaman ra ǀgaiǀgaisen ǂkhaba dīǃkhai-i ǃnâ, tsîn ra ǃhoa, ǁnoagan nî ǁgui ǃkhaisa: Tari-e ǁîga nî mû? ti mî tsî.

⁶ǁÎn ge gāxaǃnâ ǀapede ra ǂâiǂui, īǁkhā i as kōsen ra hōǂui. Khoeb di ǃnākhoesib tsî ǂgaob di ǃgamsib ǃaroma.

⁷Xawe Elob ge ǁîna ǂā-i ǀkha nîra ǁkhâu; ǁîn di ǀhapin ge ǃhaese nî hā.

⁸Tsî nams ân ge ǁîna ǁî-aitsama nîra ǁnā kai; ǁnāsa ra mû-i hoa-i ge nîra ǃnabindana.

⁹On ge khoen hoana nîra ǃao; tsî Elob dība ǂhôa tsî nîra ǁnâuǃā sîsenni âba.

¹⁰ǂHauǃnâb ge ǃKhūb ǃnâ ǃgâiaǂgao tsî ǁîb ǃnâ nîra sâusen; ǂhauǃnân hoan ge nîra koasen.