Read Khoekhoegowab Psalmdi 7 Bible Online

Psalmdi 7 - Khoekhoegowab bible

Psalmdi 7

¹Davib di Sigajons, ǃKhūbab ge ǁnaebas, Kusi, Benjaminǁîb di mîdi ǃaroma. ǃKhūtse, ti Elotse, sa ai ta ra mûmâinǃgâ; hui te re, ti ǃgôaǃgonaon hoana xu, î ore te re.

²Îb tā xammi khami tita ǃkhō, îb tā ǀkhauǃā te, hui-ao-i a ǀkhai hîa.

³ǃKhūtse, ti Elotse, ǁîsa ta ga dī hâo, ǂkhaba-i ga ti ǃomǁae hâo,

⁴ǂkhabase ta ga dīǃoa-am hâo ǁnā-i, tita ǀkha ǂkhîse ra hâ-e, (ā, ǁnā-i tita ǃaroma-i ose ge khākhoeba ī-e ta ge go ore),

⁵ab ǁnâi khākhoeba tita ǃgôaǃgon; îb saoǁae te, îb ti ûiba ǃhūb ǃnâ dāǃgâ, îb ti ǃgôasiba tsarab ǃnâ hâ kai. Sela.

⁶Khâi re ǃKhūtse, sa ǁaixasib ǃnâ; khâima re ti ǂōǂō-aon di ǃkhausasib ǃoagu, î ǃnoaǂkhaiba te re, sats, ǀgoraǃgâsa ge mîmātsa.

⁷As ǁaedi di ǀhûsa sa ǂnamipe ǀhao, îts ǀgapiseb ai ǂamǃnâ ǂnû;

⁸ǃKhūb ra ǁaede ǀgoraǃgâ; tita ona ǁnâi ǂhanuba mā re, ǃKhūtse, ti ǂhanu-aisib ǃoa, tsî ti tawa hâ ǂhauǃnâsib ǃoa.

⁹Ab ǀuni ǂkhaban di ǂkhabasiba, îts ǂhanu-aiba ǀgaiǀgai, sats, ǂgaogu tsî ǃnaidi tsîna ra ǃâitsâts, ǂhanu-ai Elotse!

¹⁰Ti khōsikhōb ge Elob, ǁnān ǂgaogu ǃnâ ǃanuna ra sâub tawa hâ.

¹¹Elob ge a ǂhauǃnâ ǂhanuǂhanu-ao, tsîb ge a ǁnāti ī Elo, hugaǀgui ǁaixa hâba.

¹²ǃHobasen tamats ka io, ob ge gôab âba nîra ǀāǀā; khās âb ge ǂgaeǃnâhe hâ, tsîs ge ǂhomihe hâ.

¹³ǁŌǁōsa ǁâtaninab ge ǁāǁābasen hâ; ǁîb di ǂāgab ge ǀaexa ǁâtanise ra dī.

¹⁴Mû, ǂhanuoǃnâsibab ra sîsen, tsūǃgâb ǀkhab ǀgamǀkhā hâ, tsîb ge ǂhumiba nîra ǁora.

¹⁵Tsausab ge khao tsî go khaoǃgamǃgam, xaweb ge ǁnā tsaus, ǁîb go dīs ǃnâ go ǁnā.

¹⁶Ab ǁîb di tsūǃgâba danas âb ai oahā; ab ǁîb di ǂkhababa danaǂkhōs âb ai ǁgôaxa.

¹⁷Tita ge ǃKhūba nî koa ǁîb di ǂhanu-aisib ǃaroma, tsî ta ge ǃKhūb, Hoan xa ǀGapib di ǀonsa nî ǁnaeba.