Read Khoekhoegowab Psalmdi 76 Bible Online

Psalmdi 76 - Khoekhoegowab bible

Psalmdi 76

¹ǁNaetsanas, ams Asafi dis, ǂam ǁnae-aoba ge dībahes, Neginots ǃoa. ǂAnsab ge a Eloba Judab ǃnâ; ǀons âb ge Israeli ǃnâ a kai.

²Tsî Salems ǃnâb ge ommi âba hâ, tsî ǁîb di ǁanǃkhaisa Sions ǃnâ.

³ǁNāpab ge ǀaexa ǂāgu khās diga ge khôa, khōsikhōb tsî gôab tsî torob tsîna. Sela.

⁴Sats ge ǀgapi tsî a ǂkhaisa ǁkhâuǁnâs di ǃhomgu ǃgâ-ai.

⁵ǃGariǂgaogu â-in ge ge ǁkhâuǁnâxū kaihe; ǁîn ge ǁîn di ǂomsa ge ǁom; tsî ǃgari-aogu xaregu ge ǃomgu âga hō tama ge i.

⁶Sats Jakob Elots di ǀausa xus ge kunidi tsî hān tsîn ge ǂomhîsa.

⁷Sats, ǃhuriǃhurisats ge satsa, tsî tari-e kha sa ais aiǃâ mâ ǁkhā-e, ǁaixats kao?

⁸Sats ge ǀgoraǃgâ-e ge ǁnâu kai ǀhomma xu, ǃhūbaib ge ǃao tsî ge ǃnō.

⁹Elob ge ǀgoraǃgâb nîse khâi ǃnubai, tsamtsiǃnân ǃhūbaib din hoanab nî orega. Sela.

¹⁰ǁAixasib khoeb dib ge satsa nîra koa xui-ao, ǃgauxūn ǁaixasigu din, ǀkhats ge satsa nîra ǃgaesen.

¹¹Mîmâide mîmâi î du ǃKhūb sadu Eloba dīǀoaǀoaba re, sadu, ǁîb ǂnamipe hâdu hoado, an ǁNāb, ǃaohesa anu hâba ǀkhaexūna ūhāba,

¹²ǁNāb, gaosagu di gagasa ǂauxûiǂû-i khami ra ǃgaoǁnâb; ǃhūbaib di gao-aoga ǃhuriǃhurisase ībaba.