Read Khoekhoegowab Psalmdi 8 Bible Online

Psalmdi 8 - Khoekhoegowab bible

Psalmdi 8

¹ǁNaetsanas Davib dis, ǂam ǁnae-aobab ge dības Gitits ǃoa. ǃKhūtse, sida ǃKhūtse, matikōses a ǂkhaisa sa ǀonsa ǃhūbaib hoaragab ai! Sats sa anusiba ǀhomgu ai ge ǂnûitsa.

²ǀGôan tsî dai ran tsîn di amsa xuts ge ǀgaiba ge ǁāǁābasen, sa mâǃoasaben ǃaroma, khākhoeb tsî ǀkhaoǂgaoxabats nî ǀû kaise.

³Sa ǀhomma ta ga kōǀîo, sa ǀkhunugu di sîsenna, ǁkhâb tsî ǀgamiron tsîn, sats ge ǁāǁāna;

⁴tarexūba khoeba ots ra ǁîb xa ǂâi, tsî khoen ôaba, ots ra ǁîba kōǀî?

⁵Ots ge ǁîba ǂkharirose ǀgui Elob ǃnaga ge dī, tsîts ge ǁîba ǃgôab tsî ǂkhaisib tsîkha ǀkha ge ǀgapa.

⁶Sats ge ǁîba sa ǃomgu di sîsenni ǂamai ra gao kai; xūn hoanats ge ǁîb di ǂaidi ǃnaga ge ǁgui:

⁷Gūn tsî goman, ǁîn hoan, tsî ǃaub di xamanin on,

⁸anin ǀhommi din, tsî ǁaun hurib din, ǁîn hurib di ǂgaroga ra ǃgûmaǃnâna.

⁹ǃKhūtse, sida ǃKhūtse, matikōses a ǂkhaisa sa ǀonsa ǃhūbaib hoaragab ai!