Read Khoekhoegowab Psalmdi 81 Bible Online

Psalmdi 81 - Khoekhoegowab bible

Psalmdi 81

¹ǂAm ǁnae-aoba ge dībahes, Gitits ǃoa; ǁnaetsanas Asafi dis. Dâxase Elob, sada ǀgaiba ǁnaeba re; dâba re Jakob di Eloba.

²ǁNaetsana-e ǁnaetsoatsoa re, î ǃkhomǃkharurude ǀō kai re, ǀnamǀnamsa harpsa siters ǀkha.

³Xâi re xâiǁnâba ǂkham ǁkhâb ǃnâ, ǀoasa ǁkhâb ǃnâ, sada di ǁâudītsēs ai;

⁴ǂnûiǂgā-i Israeli di-i ge nē-e, ǂhanu-i Jakob Elob di-e.

⁵ǁÎb ge nēsa Joseba ge mîmā, Egipteǃhūb ǂamab ge ǂoao. ǁNāpa ta ge gowaǃnôa-i, ǀū ta ge i-e ge ǁnâu:

⁶Tita ge ǃhōs âba xu ǃgomma ge ūǁnâ; ǃomkha âb ge taniǀharusa xu ge ǃnora.

⁷ǂŌǂōsib ǃnâts ge ǂgaio, o ta ge ge huiǂui tsi, sâuǃkhais ǃgurub disa xu ta ge ge ǃeream tsi; Meribas di ǁgamgu tawa ta ge gere ǃâitsâ tsi. Sela.

⁸ǁNâu re ǁaese î ta ǁnama si re; Israeltse, îts ga ǃgâ te, ti.

⁹ǀKhara Elo-i ge sa ǃnâ hâ tide; tsîts ge ǃhao elo-i aiǃâ ǃhonǁgoa tide.

¹⁰Tita ge ǃKhūta, sa Elota, Egipteǃhūba xu ge ǂgaeǂguiǂui tsi ta. Sa amsa harase khowa, î ta ǁîsa ǀoaǀoa.

¹¹Xawe ti ǁaes ge ti domma ǃgâ tama tsî Israeli ge tita ge ǂgao tama hâ i;

¹²ǁnā-amaga ta ge ǁîna ǂkhabasib ǁîn ǂgaob dib ǃnâ ge māǁnâ, în ǁîn di ǀape-aide ǃoa ǃgû.

¹³Îs ga ǃgâ te hâ i ti ǁaesa, îb ga Israela ti daogu ǃnâ ǃgû hâ,

¹⁴o ta ga ǃhaese khākhoen âna ǃgamǃgam hâ, o ta ga ti ǃomma ǁîn di mâǃoasaben ǃoagu unu hâ.

¹⁵On ga ǃKhūba ǁkhan hâna ǁgoasen rase ǁîba ǃoa ǂhanasī hâ, tsî ǁaeb ân ga ǀamose hâ hâ i.

¹⁶Tsî ǁîb ga ǂûmā bi hâ ǂoaǂamsa ǃhorob ǀkha; ā, o ta ga ǀuiga xu danib ǀkha ǁâǁâ tsi hâ.