Read Khoekhoegowab Psalmdi 84 Bible Online

Psalmdi 84 - Khoekhoegowab bible

Psalmdi 84

¹ǂAm ǁnae-aoba ge dībahes Gitits ǃoa; ǁnaetsanas Koraxi ôagu dis. Matikōse di a ǀnamǀnamsa sa ǁanǃkhaide, ǃKhū ǂnubidi ditse.

²Ti ǀoms ge ǁkhore tsî kaise ra tura ǃKhūb di ai-omdi ǃoa; ti ǂgaob tsî ti ǁgans tsîra ge ra dâ ûitsama Elob kōse.

³Anis ǂûs ge om-e ge hō, tsî swabel-anis ge omro-e ge hōbasen, ǂkhamronas ra ǁgui ǃkhaisa, sa altardi tawa, ǃKhū ǂnubidi ditse, ti Gao-ao tsî ti Elotse.

⁴ǃGâiǃōn ge hâ ǁnān, sa ommi ǃnâ ǁan hâna; ǁîn ge satsa nî karehâhâ. Sela.

⁵ǃGâiǃō-i ge ǁnā khoe-i, ǀgaib â-i sa ǃnâ hâ-e; ǂgaob ân ǃnâ gu ge ǁāǁāhe hâ daoga hâ.

⁶ǂNâsa ǃGoaǃnāban ra ǃgûǃnâǃganuo, on ge ǁîba ra ǁgamxa ǃhū kai; tsî ǂguro ǀnanub on ge ǁîba ǀkhaeba ra ǁgui-ai.

⁷ǁÎn ge ǀgaiba xu ǀgaib ǃoa ra ǃgû, mâ-i hoa-i ân Elob aiǃâ Sions ǃnâ nîra ǂhais kōse.

⁸ǃKhū Elo ǂnubidi ditse, ǁnâu ti ǀgoresa re, ǁnâu-am si re, Jakob di Elotse. Sela.

⁹Sats Elots, sida khōsikhōtse, kō toxoba re î ǃgapaǀî re sa ǂkhauǀkhāsabeb di aisa.

¹⁰ǀGui tsēs ǀguisa sa ai-omgu ǃnâ hâs ge ǀoadisi tsēde ǀkhara ǃkhais tawa hâs ǃgâ-ai a ǃgâi xui-ao. Tita ge ra ǁkhorebasen ti Elob ommi di dao-ams tawa mâsa, ǂomxase eloxoresasib di omdi ǃnâ ǁans xa.

¹¹Sorese tsî khōsikhōseb ǃKhūb Eloba ība te amaga; ǀkhommi tsî ǃgôasib tsîkhab ge ǃKhūba nîra mā; ǁîb ge ǃgâi-i xare-e ūdawa tide ǁnān, ǂhauǃnâse ra tanisenna xu.

¹²ǃKhū ǂnubidi ditse, ǃgâiǃō i ge hâ ǁnā khoe-i, sa ai ra mûmâinǃgâ-e.