Read Khoekhoegowab Psalmdi 88 Bible Online

Psalmdi 88 - Khoekhoegowab bible

Psalmdi 88

¹Ams, ǁnaetsanas Koraxi ôagu dis, ǂam ǁnae-aoba ge dībahes, Maxalat Leanots ǃoa. ǁNaetsanaǂans Hemanni, Esraǁîb dis. ǃKhū Elo, ti Hui-aotse, tsēa ta ra ǂgai, tsuxuba ǁkhāti sa aiǃâ.

²As ti ǀgoresa sa aiǃâ sī re; î sa ǂgaesa ǂō re ti ǂgaisa ǃoa.

³Ti ǀoms ge tsūǀkhāgu xa tsau hâ, tsî ti ûib ge ǁō hân hâǃkhaib kōse ra sī.

⁴Tita ge ǃgôahe hâ ǁnān, āb ǃnâ ra ǁgôan tawa; tita ge ǀgaio khoe-i khami ge ī kaihe.

⁵ǁŌ hân ǃnâ khaihe hâ-i khami, ǃgamhe hân, ǀhobas ǃnâ ǁgoen, sats ǁîn xa ǃarulî ǂâi taman, tsî sa ǃomǃnāba xu ǃgaoǁnâhe hân khami.

⁶Sats ge tita ǃgam āb ǃnâ ge ǁgui, ǃkhaenadi ǃnâ, ǃgam ǃkhaidi ǃnâ.

⁷Tita aib ge sa ǁgôasiba sâ hâ; sats ge sa ǃgabigu hoagu ǀkha ra ǁgâiǁgui te. Sela.

⁸Ti ǂansabenats ge satsa tita xu ǃnūse ge dībē, sats ge tita ǁîna ǁgaiǁgaixūse ge ǂnûiba. Tita ge ǂganamǂgāhe hâ tsî a ǂoa ǁoa;

⁹ti mûs ge ra ǃoa ǁgâiǀāb xa. ǃKhūtse, hoaraga tsēsa ta ge satsa ra ǂgai; ti ǃomkha ta ge saǀî ra ǀhōǂui.

¹⁰ǁŌ hân tawats kha buruxana nî dī? ǁGôa gena kha khâi tsî nî satsa kare? Sela.

¹¹ǀHobas ǃnâb kha sa ǀkhomxaǂgaosiba nî ǂhôahe, sa ǂgomǂgomsasiba ǁgaoǁgaosib ǃnâ?

¹²ǂHain kha nî sa buruxana ǃkhaenas ǃnâ, tsî sa ǂhanu-aisiba ǀurusib di ǃhūb ǃnâ?

¹³Xawe, ǃKhūtse, tita ge sa ǃoa ra ǂgai; tsî ǃnauǁgoagas ge ti ǀgoresa sa tawa ra sī.

¹⁴ǃKhūtse, tare xū-i ǃaromats ra ti ǀomsa ǂhāxu, tsî ais âtsa tita xu ra sâu?

¹⁵Tita ge a ǂkhabusa tsî ra ǁōǁga ti ǂkhamsisa xu; tita ge sa ǃhuriǃhuride ra tani, o ta ra ǂkhabu.

¹⁶Tita ge sa ǀgamsa ǁaixasigu xa ra īǂamhe; sa ǃhuriǃhuridi ge ra kā kai te.

¹⁷ǁÎn ge ra xāǂgā te ǁgam-i khami hoaraga tsēsa; ǀhûpen ra ǃnamiǂgā te.

¹⁸Sats ge khoeb tsî horesab tsîkha tita xu ǃnūse ge dī; ti ǂansaben ge ǃkhaenab ǃnâ hâ.